مرحبا بكم مجددا
أحبتي
عدتُ إليكم اليوم بمجموعة من رسائل الوسائط
أتمنى ان تجدوا بها ما يرضيكم
خلاص أبرحل .. ياهواي !
برمي تعب جرحي ... وراي !
مدام إنتي مو معي ..
يكفيني إن [ الله ... معاي ]
بروح أدور لي .. دوى !
عن شي يسمونه .. " هوى " !
ماعاد أنا أنطق " إرجعي " ..
ياحلوتي .. " مالك لوى " !
صحيح ..
قبل ارحل واروح !
باقي لك شوية جروح !!
" مسامحك " !
لو تسمعي من خلّك الصب السموح !
برحل ولاكني .. هِنا !
وبطوي مع دروبي ... العنا ..!
بحاول انسى كل شي !
وأنسى أنا !
منهو انا !
من يصدق؟!
يمرالوقت ما شوفك وأصير بلهفتي موجوع
ويمر الوقت ما أدري وأيام الزمن تجري.. ساعة بعدها ساعة
وأسبوعن وراه أسبوع
بعد ماكنت أنا أشوفك
سبت
أحد
اثنين
ثلاثاء
اربعاء
وأجي طاير صباح السبت لأني فاقدك يومين
ويسبقني وله عيني قبل أعرف مكانك وين
واليوم
يمر السبت ويروح السبت
ولا أدري عن أحوالك ضايق والا حالك زين!
’
’
الدار من عقبهم ماهى بمرغوبه
الدار من عقبه غدت محد يبغيها
النفس ماهى على المقعاد مرغوبه
والعين ماتستريح بدون غاليها
ان قدر الله ودى بسيره صوبه
اريح الروح من شوفه واسليها
,
’
ليلة البارح
من حريق الشوق فيني
ما غفيت
ما غير أنا ..
وجنون الليل
وأوراقي ..
وشوقي والسهر ..
أشخبط على الورق
ارسم حروف اسمك
أحاول بالوهم
لو يوم يرتبط حرفي بحرفك ..
ولو كذب
مرة أرسم قلب .. واحد
نجتمع في داخله ..
انته وأنا
ع الأقل لو حتى .. على الورق
ما نفترق ..
,
’
طلبتــك بس لو تسمح
تناسى غلطتي واسمح
ترى والله مب قصدي
أكدّر خاطرك وأجرح
’
موضوع: |::|يمرالوقت ماشوفك وأصير بلهفتي موجوع |::| 
الأربعاء أكتوبر 03, 2007 11:30 pm
