×× احلام بنات ×× قصه خياليه بس خطييييره كلها هبال ووناسه

/
\
/
\
/
\

×× البـارت الثـاني ××

وصلوا فانتزي بحمد الله وسلامته .. وكان زحممممه وخذوا تذاكر دخولهم .. طبعا مااخذوا لا شاليه ولا كبينه لانهم مارح يجلسون فيها .. اول لعبه لعبوها ماادري وش يسمونها المهم ركبوا ..
وطبعا جهه بنات وجهه شباب .. البنات ركبوا بأخر شي من اللعبه ..
وطبعا انواع الصراخ وطبعا الهبلات مشاعل ونجلاء يصارخون
قبل ماتبدا اللعبه ونجلاء تقول : لا اخاف ابي امي ابي ابوي
مشاعل تستهبل : ابي زووووجي
ديـما : مين ذا الاهبل اللي بيتزوجك ؟
مشاعل : والله واحد امه داعيه عليه
وقاموا يضحكون .. وطبعا هم لا يخافون ولا هم يحزنون ..
بس يصارخون يستهبلون .. بدت اللعبه والاخت مشاعل متنحه ولا تصارخ ولاشي غريبه ساكته...!!
نجلاء : هييييي انتي وش فيك ؟
ديـما : عسى ماشر !!
مشاعل بتناحه : شوفوا اللي قدامكم
صرخت ريـم : يازينـه .....!!!!
مشاعل : فشلتينا الله يفشلك اول مره تشوف ولد
نجلاء : علمي نفسك ياشيخه انتي متنحه من ساعه
مشاعل : انطمي انتي
ديـما : بنات وش ذا الزين ؟
ريـم : هذا زوجي مستقبلا
مشاعل : كفخيني...!!
البنات : هههههههههههههههههههههههههه
واحد من الاولاد اللي قدامهم : ماودكم تسكتون ؟
مشاعل : وش دخلك انت ؟؟!
نجلاء : لعبه ابوك واحنا ماندري !!
الولد : خلاص اسحب كلمتي اكلتوني
ريـم : من زينك ناكلك
الولد : نعععععم ؟؟؟؟
مشاعل : لا ابد سلامتك بس اقلب وجهك
الولد عصب : هييييييي انتي مو انتي اللي تقولين لي اقلب وجهك؟
ديـما تستهبل : طيب خلاص لا تقلب وجهك ضف وجهك
البنات قاموا يضحكون عشان يتنرفز انواع النذاله ..
الولد اللي يقولون عنه حلو : خلاص يافيصل تحط راسك
براس بنات
نجلاء : وش فيهم البنات ؟؟؟
مشاعل اللي كانت خاقه قلبت : مو مالين عينك والا مو مالينها؟؟؟
الولد : الا والله مالينها وش دعوه تراني تركي
مشاعل رافعه حاجبها : احد قالك نبي نتعرف ؟؟؟؟؟
نجلاء بصوت واطي لمشاعل : والله مدري مين اللي كان خاق
مشاعل تقول لها : ههههههههههه وجع
الولد ارتبك : لالا وش دعوه ماقلت شي بس عشان انهي الموضوع مو حلوه بحقكم بنات مؤدبات ومتربيات تسون مشكله مع ولد !
نجلاء بدون اهتمام : اقول لا يكثر بس
وانتهت اللعبه ويوم جوا ينزلون يصير فيهم شي لو مايحارشون الواحد
وقالت مشاعل للاولاد : فرصه تعيسه
الولد بابتسامه : وانا اسعد والله
نجلاء : عمى اقول امشي نروح اتركي عنك التعيسين
ونزلوا من اللعبه بريئين ولا كانهم مسويييين شي ..
المهم وقاموا يلعبون ويستهبلون وفجأه وهم يمشون
بيركبون لعبه الا احد يناديهم ..
التفتوا وصارت وحده تعرفهم وسلموا عليها ..
وصاروا 4 بنات من المدرسه معاها جايين واسمائهم ..
نوره / الجوهره / هديل / لمى
وطبعا كمل الاستهبااااااال بس للاسف اللعبه زحممممممه
ومافي مكان لا لمشاعل ولا هديل ولا نجلاء ..
اما الباقي كلهم ركبوا جنب بعض .. ومابقى مكان الا قدام الاولاد ..
الهندي اللي باللعبه قال لهم يركبون هناك ..
بس ماوافقووا .. وبعد اقناع ركبوا .. اول ماشافهم
الولد : ياهلا وغلا تو مانورت اللعبه
طنشوا كالعاده .. اول ماجلسوا قالت ريـم
اللي من الجهه الثانيه : اهلين اشوا انكم لعبتوا
نجلاء : ايه والله اجل نقعد نستناكم تلعبون واحنا لا
فجأه بعد فتره لمى صرخت : مييييييشوو
مشاعل : وجع يوجعك قولي امين كل العالم عرفوا اسمي خيير وش تبين ؟
لمى : معك مويه ؟؟؟
مشاعل عصبت : والله لو معي خبطتك براسك
كلهم : هههههههههههههههههههههههههههههههههههههه
نجلاء : ههههههههههه روقي روقي يالثلجه
مشاعل : نجيييل طسي تكفين
لمى : نجووول
نجلاء : هاااااااه
لمى : معك مويه انتي بعد ؟
نجلاء بملل : ايه ايه بس مو حقتي
لمى : اجل ؟
نجلاء : حقت هديل
هديل : لمووه مافيه ابي مويتي انا
ديـما : شاريتها بريال البنت خخخخخ
الجوهره : دافعه دم قلبها خخخخخ
لمى : الله ياخذكم ابي موووويه ارحموني
ريـم : هييي انتي اللي ياخذك انتي لا تدعين علينا
لمى : ريموووه خلاص "وتصرخ" نجييييييييل وعمى انتي وياها عطوني المويه
نجلاء : طيب طيب برميها امسكيها لا تطيح
وتهاوشوا مشاعل ونجلاء مين اللي يرميها ...؟
هديل : هيه انتي وياها عطوني مويتي وبرميها انا
خذت مويتها ورمتها الا طرااااااااخ في راس واحد جالس قدام لمى ..
بدال مايتأسفون يشوفون الولد جاه شي .. جلسوا يضحكووون ..
هديل اخيرا حست : لوسمحت
الولد : نعم ؟
هديل : هههههههه والله سوري ماكنت قاصده بالغلط
الولد : لا عادي حصل خير بس انتبهي مره ثانيه
هديل : ايه ان شاءالله
وخلصت اللعبه ونزلوا البنات وكملوا لعب واستهبال لما
الساعه 10 ..
نجلاء : بنات وش رايكم نطلع ؟
ريـم : لا تونا بدري
مشاعل : وش بدري ..! انا جوعانه
نجلاء : وانا جوعانه بعد
نوره : تعشوا هنـا ...؟
ديـما : لا لا برا نبي
الجوهره : طيب تعشوا بعدين ...؟!!
مشاعل : انا مااقدر جوعااااانه!!
نجلاء : وانا بعد والله.!
المهم قرروا انهم يطلعون يتعشون بس اللي بيطلع نجلاء ومشاعل وريـم وديـما اما باقي البنات بيجلسون يكملون لعب
طلعوا البنات وهم بالسياره
مشاعل : وين نروح ؟
نجلاء وهي خايفه : بنـاااات
البنات يقلدونها : نعااااام
نجلاء خايفه منهم : البنزين بيخلص
ريـم صرخت : نعم ؟؟؟
نجلاء بخوف : عاد انا وش دخلني ؟ لا تصارخين !
ديـما : طيب مافي محطه قريبه ؟
نجلاء : الا الا شوفوها قدامكم شوي ونوصل لها
وهم قاعدين يمشون طفت فجأه السياره خلص البنزين ..

××××××××××××××

ايش رايكم بالطلعه ؟ واللي صار ؟؟
الاولاد بيصير لهم دور بالقصه ؟ والا بس هنا وخلاااص ؟!!
وش تتوقعون يصير لهم بعد ماخلص البنزين ؟!!
ننتظر تعلقاتكم ورايكم

/
\
/
\
/
\

×× البـارت الثـالث ××

يوم وقفت فيهم السياره قالت مشاعل لنجلاء : نجييل ووجع انتي وسيارتك !
نجلاء : يختي وش اسوي ؟ بكيفي هو !!
ديـما : يلا انزلوا ندف السياره
البنات مع بعض : خييييير ؟؟!!!!!
ديـما : والله بكيفكم ياتدفون ياتجلسون لما تخيسون
ريـم : توبه يانجيل نركب مره ثانيه معك
مشاعل : سياره مخرفه مثل صاحبتها
ديـما : من جد
نجلاء : خلاااااااااااااااص ياااربي منكم
ونزلوا من السياره عشان يدفونها .. وبعد جهد جهيد وصلوا الحمدلله بس ماكانت بعييييده قريبه نوعا ما .. ووصلوا وعبوا بنزين ومشوا .. وهم بالسياره وعشان الرجعه متفقين انو ريـم قدام وديـما ومشاعل ورا .. قالت نجلاء : وين تبون نتعشا ؟؟
مشاعل : لك وجهه انتي وخشتك بعد بتعشينا اصلا كله على حسابك صح بنات ؟
ديـما وريـم : طبعا طبعا
نجلاء : طيب امري لله بعشيكم
ريـم : اصلا غصب عنك مو بكيفك هو
نجلاء : لا حوول اقول لا يكثر اخلصوا وين تبون ؟
وكل وحده تقول مطعم واخر شي اتفقوا يتعشون في تشيليز
راحوا هناك وقعدوا وطلبوا الاوردر وبعد شوي الا كل اكلات الدنيا قدامهم ترا كل هذي نذاله من مشاعل وريـم وديـما عقاب على قولتهم لنجلاء المخرفه هي وسيارتها عشان يصير الحساب غالي وتدفعه خخخخخ ..
نجلاء مرتاعه : عمى انتي وياها وش ذا كله ؟
مشاعل ببرود : اكل يعني ايش ؟
نجلاء تنرفزت منهم : ادري انه اكل !! مهابيل انتوا طالبين كل هذا ؟؟؟ ولا نأكل نصه حتى !!
ديـما ببرود : ندري بس هذا عقاب لك عشان يطلع الحساب غالي هههههههههههه
نجلاء تقلدها : هههههههههههههه [ترجع لصوتها] انا مااقول الا الله يخلف عليكم بس مهابيل انتوا والله هذي نعمه نعمه !! استحوا على وجيهكم تنكب بالزباله "الله يكرمكم" عشان عقابكم ؟؟؟
ريـم متحمسه : لاااا ماتنكب
نجلاء تقلدها : اجل نصور معها ؟
ريـم : خخخخخ سخيفه
نجلاء مقهوره منهم : اقول لا يكثر انتي وقولوا لي وش بتسون في الاكل ؟
مشاعل : اممممممم والله مشكله انا قلتلهم بس هم مايسمعون [ضحكت يوم شافت اشكال ريـم وديـما اللي عصبوا عليها وكملت] من جد استغفرالله الله لا يعاقبنا ناس يتمنون ولا ربعها واحنا مالت علينا بس
نجلاء : ايه والله وش بتسون علموني ؟
ديـما : والله هذي فكره ريموه خليها تفكنا
ريـم تفكر وتفكر : طيييب طيييب ناخذه تيك اواي
مشاعل : لااااااا بسم الله عليك الله لا يضرك بس ناخذه تيك اواي اخترعتي شي اقول انطمي ناخذه وش نسوي فيه ؟؟ احنا بنصير اكلنا وخلصنا ؟
ديـما : ايه صح
ريـم : ياربيه منكم خلاص ناخذه تيك اواي ونعطيه أي احد
ديـما بتهبل فيها : ومين الاي احد هذولي ؟
ريـم : ياااااااااااااااااااااربيه مااااادري ايييييييي احدددد وبسس
وبالاخير استغفرالله بس تركوا الاكل وراحوا .. بس الحين ركبت مشاعل قدام بدالهم لوووووووول .. وهم بالطريق
ديـما : بناااات مالي خلق اروح البيت
مشاعل : وين تبين تروحين ياعمتي ؟ ان شاءالله عالبحر ؟!!
نجلاء : أي بحر الله يرجك ههههههههههههههه
مشاعل : اووص بحرنا احنا تراب !
ريـم : من جد
ديـما : لا انا مو قصدي كذا يعني امممممممم
مشاعل : والله ديموه شكل عندك شي اخلصي غردي علينا ؟
ديـما : هههههههههه وش دراك يالجنيه ؟
نجلاء : قلتيها جنيه
مشاعل : جني يشيلك انتي وياها قولوا آمين
نجلاء و ديـما : مو آمين
ريـم : خلاص انتي وياها وياها ديوم قولي
ديـما : امممممممم وش رايكم ننام عند وحده مننا ؟
مشاعل : والله مو شينه بس لازم نسأل وزارات الداخليه
ريـم : اول شي في بيت مين ننام ؟
نجلاء : في بيتي وش رايكم ؟
مشاعل : اوكي استني اكلم وزاره الداخليه حقتنا
ديـما و ريـم : طيييب
المهم كلهم كلموا وزارات الداخليه حقتهم [يعني امهاتهم] ووافقوا بعد جهد جهيد ولله الحمد ..
راحوا بيت نجلاء
وصلوا البيت الساعه 12 الا شوي لوووول ..
دخلوا كاااان البيت هدووووووء الا المجلس اللي بعيد شوي من الجهه الثانيه كان ازعاااج ..
ريـم : مين هناك ؟
نجلاء : يمكن نواف واصحابه
المهم طلعوا فوق وريحوا شوي وماامداهم الا نزلوا برا
ورا البيت يلعبون basket ball وصراااااااخ كان مافي احد نايم بس كانوا بعيدين وكانوا فريقين نجلاء ومشاعل مع بعض وديـما وريـم مع بعض .. نجلاء ومشاعل كانوا لابسين
تي شيرتات حقت ac millan وديـما وريـم لابسين
تي شيرتات inter millan وهم يلعبون ومتحمسسسسات
فجأه طارت الكوره ووصلت عند المجلس اللي جالسين فيه نواف واصحابه .. وكلهم يتهاوشوون مين ياخذها قبل واصواتهم عاليه شوي .. وجوا المجلس كان واحد من اصحاب نواف قبال الشباك اما الباقي صاير الشباك وراهم ويشوف البنات وهم يتهاوشون على الكوره وفجأه رفعت ديـما عينها وشافته يناظرهم نزلت عينها على طوول ..
وقالت وهي مرتبكه : بنااااات
البنات مشغولين في الكوره : هاااه
ديـما : في واحد يطالعنا !!
البنات رفعوا راسهم مع بعض وقالوا : ويييييين ؟
ديـما تأشر على الشباك : هنـا
نجلاء شهقت : لاااا يمكن واحد من اصحاب نواف يمممه بنات يلا قوموا نروووح بسرعه لا يقول لنواف واروح فيها
قاموا البنات بسرعه بيروحون ..
الا ديـما تقول : لحظه اصبروا
البنات يناظرونها [يعني خير وش تبين ؟] ..
ديـما : قد شفته!
ريـم بدون اهتمام : امممممم يمكن يكون نواف ..!!
ديـما بسرعه : لااااااااا نواف اعرف شكله
نجلاء : يابنت الحلال على قولتهم يخلق الله من الشبه اربعين
ديـما : لاا والله قد شفته والله
البنات مشوا وتركوها بدون مايهتمون لكلامها وقالت مشاعل لها : يابنت اذا شفتيه يمكن شفتيه بمكان والا شي خلاص لا تطولينها وهي قصيره وامشي قبل لا احد يشوفنا
نجلاء وريـم مشوووا قدامهم وصاروا بعيدين شوي عنهم اما مشاعل كانت بعدهم بشوي جت ديـما بسرعه ومسكتها مع يدها وقالت : تعاااااااالي
مشاعل : ديموووه ووجع كسرتي ايدي وش فيك ؟
ديـما : ميشوو حبيبتي انتي ماعليك منهم تعالي اوريك الولد والله قد شفته
مشاعل : لا حووول ماتفهمين انتي ؟؟؟ اقول وش رايك بس ادخل عليهم واقول لا بس كنت ابي اشوف
ديـما تقاطعها : ميششششو بلا حركات سخيييفه تعالي [وتمشيها معاها لما الشباك وتقول] شووفي
رفعت مشاعل راسها بدون اهتمام لكن انصدمت لما شافت الولد.....!!!
ديـما : شفتي ؟
مشاعل بخوف : ياوووويلي وش جابه هذا هنا ؟!!
ديـما ابتسمت : يعني حتى انتي قد شفتيه صح ؟
مشاعل ماردت عليها لانها سمعت اصواتهم وشكلهم بيطلعون من المجلس : ديموووه امشي امشي بسرررعه قبل مايطلعون ويشوفونا [وتمسكها وتركض معاها للبنات جوا]

××××××××××××××

وش رايكم باللي صار ؟؟
ومين تتوقعون الولد اللي شافوه ؟؟
ننتظر تعلقاتكم ورايكم

/
\
/
\
/
\


×× البـارت الرابـع ××

يوم دخلوا جوا وديـما مو فاهمه ولاشي..!
قالت وهي معصبه على مشاعل : عمى مشاعلوه وش فيك ؟
ليش سحبتيني ؟؟ ليه ماخليتيني اشووف ؟؟ وتقولين لي ؟
مشاعل متنرفزه : يعني ماتشوفينهم بيطلعون !!
جو عندهم نجلاء وريـم : وش فيكم ؟؟
مشاعل معصبه من ديـما : مسكتني وسحبتني هناك وتقول شوفي الولد اللي يطالعنا وياليتني ماشفته وبعدين سمعت صوت كأنهم بيطلعون واسحبها ونجي هنا وتقول وش فيك وليش ماخليتيني اشوف [تناظر ديـما] بالله وش تشوفين ؟؟ مو شايفته انتي ؟؟ وبعدين والأهم من كذا انهم كانوا بيطلعون تخييييلي طلعوا واحنا هناك عشان نروووح فيها !!
ريـم : خلاااص ماصار الا الخير
نجلاء : كل واحد يصلح سيارته
ديـما بدلاخه تقهر : اهـا عشان كذا يعني
مشاعل : بدرررررررررررري
نجلاء بسرعه : ميشششششو
مشاعل : هااه
نجلاء : ليش تقولين ياليتني ماشفته ؟
مشاعل رجع لها الخوف : تخيلوا مين صار ؟
ريـم : اخووك !!
ديـما : اخوها وبتخاف ؟؟ وش دعووه !
نجلاء : ايه صح مييين اخلصي ؟
مشاعل : اللي تهاوشنا معاه يوم كنا طالعين
البنات مع بعض : وشوووو ؟؟؟؟؟
مشاعل : ايه هوو وربي
ريـم : الحلوو ؟
مشاعل : ايه
نجلاء : بس هذا ماتهاوشنا معاه ؟ بس تكلمنا عادي ؟؟
مشاعل : واضح يوم احنا هناك انو يعرف الولد الثاني وغير كذا وشو ماتهاوشنا وش ودك يعني تروحين تضربينه ؟ عشان تصيرين متهاوشه !! يكفيك انك تكلمتي معاه كذا !!
ريـم : ايه والله بس انا لما الحين مافهمت ليش خايفه ؟؟
نجلاء : انا اقولك ليش
ريـم : قولي
نجلاء : لانو تخاف يقول لنواف اخوي عن اللي صار ونواف يقول لأخوها وأخوانكم ونرووح فيها فهمتوا ؟؟
ريـم خافت : لا لا وش يقول وبعدين اخوك خييير من متى المعرفه يروح يقول لأخواني ؟؟؟
ديـما : عادي يقوله لا تنسين انهم يشوفون بعض من فتره لفتره
ريـم : اوكي صح بس علاقتهم مو مره مع بعض
مشاعل : ادري بس يكفي انهم يعرفون بعض حتى لو معرفه سطحيه
ريـم خاايفه : يمممممه لا تخوفوني
نجلاء : احنا مانخوفك بس نحط احتمالات
ديـما : وانا اقول وين شايفته ؟ والله من الدلاخه اللي فيني توني شايفته اليوم ونسسسسيت !
مشاعل تحارشها : الكبر شين وانا اختك
ديـما عصبت : كبر بعينك مالت عليك من صغرك الحين ؟
مشاعل : مو انتي تقولين اكبر منك بيوم اكبر منك بسنه [تحوس بالمثل على كيفها هع] وانتي اكبر مني بأكثر من 7 شهور عاد كل شهر فيه 30 يوم عاد احسبي وشوفي مين الاكبر يالعجوووز
ديـما بقهر : مشاااعلوه وعمى انطممممي اكررررهك
مشاعل : لا تكفين حبيني ميته عليك انا طسسسسي بس
نجلاء بعصبيه : هي انتي وياها مو وقت هواشاتكم اللي ماتخلص
الحين احنا طحنا بمشكله اخاف يصير اللي خفتي منه ياميشو
مشاعل رافعه حاجبها : اقول بس وسعي صدرك لا يهمك شي والله مافي شي يسوى وشو طحنا بمشكله اصلا بالله بالله لو بيقول له بيقول له صاحبي تحرش فيهم ؟؟ وقلت كذا وكذا ؟؟ ناوي على نفسه هوو !
ريـم : مو شرط يقول كذا يمكن يقلب السالفه علينا
ديـما : مافهمت كيف يعني ؟
مشاعل : دلخه من يومك الله لا يبلانا بس
ديـما : ياااااربي والله ترا اذا صار فيني شي منك
مشاعل : لا لا هوو بسم الله عليك جعله في عدوينك مع اني مااتوقع لانك عدوت نفسك
ديـما : لا حووول انطمي بس وانتي [تطالع ريـم] فهميني !
ريـم : اووف طيب بقولك يعني يمكن يقول انهم هم اللي يتحرشون فيني وكذا يعني بالاصح بيقلب السالفه علينا
ديـما : اهـاا
مشاعل : والله مافي فرق نفس اللي قالته قبل بس انتي الظاهر اذا تهزأتي تستوعبين بسرعه
ديـما عطتها نظره ولفت خشتها عنها
مشاعل : مسويه زعلانه يعني ؟؟
نجلاء : ميشوو يرحم اهلك انا تنرفزت كيف هي ؟
مشاعل : افا ديوووم زعلتي ؟
ديـما : ................
مشاعل : يااهوو ياانتي يالاخت ياديووم تراني اكلمك
ديـما : ..............
مشاعل : خلاص يختي امزززح امزززح المره الجايه بسكت مارح اتكلم اووف ياشينك على طول تزعلين
ديـما : ..............
نجلاء : ديمووه خلاص عاد !!
مشاعل : خليها بعدين تعالي مسويه تتغلين الحين ؟ ترا من تغلى تخلي لا اكفخك
نجلاء وريـم : هههههههههههههههههههههه
ديـما لفت عليها : استغفرالله بس خليني اتغلى بس لا تتخلين
مشاعل : اقول بس تغلي على الخبل اللي بياخذك مو علي
ديـما : ياهوو يامشاعلوه خير تقولين الخبل اللي بياخذني ؟ والله مافي خبل الا انتي ومافي اخبل منك انتي وخشتك الا اللي بياخذك !!
مشاعل : خخخخخ ادري ولانو امه داعيه عليه بعد
ديـما : يعني معترفه الحمدلله ؟؟
مشاعل : الاعتراف بالحق فضيله هع
البنات : ههههههههههههههههههههههههههههههه
ريـم : اقول اخلصوا بس وش نسوي ؟
ديـما : وش نسوي بأيش ؟
نجلاء : بالمصيبه اللي احنا فيها
مشاعل : الله واكبر مصيبه مره وحده ؟؟ مصيبه تشيلك
قولي آمين !! الحين كذا صارت مصيبه ؟؟
نجلاء : اجل ليش خفتي ؟
مشاعل : هاااه
نجلاء : من قال هااه سمع
ريـم وديـما : هههههههههههههههههههههه
مشاعل : لا مو كذا وانتوا لا تضحكون وبعدين أي وحده بمكاني بتخاف اوكي شوفي اكيد خفت وخصوصا انو يقول لأاخوك وكذا بس بالاخير قلت حتى لو قلب السالفه مااتوقع يروح يقول لنواف !!
نجلاء مستغربه : وليش مايقول ؟
ريـم : وش اللي يمنعه ؟
ديـما : ايه والله صح ليش ؟
مشاعل : بسم الله انا اقولكم لانو وبكل دلاخه الدنيا اللي متجمعه فينا وفيني انا بالذات انو كيف بيعرفنا ؟؟؟
ريـم : مافهمت !
نجلاء وديـما : حتى احنا
مشاعل تستهبل : ياااربي ربي بلاني بناس الله يخلف عليهم الدلاخه ماخذه منهم شي وشويات
نجلاء : اقول لا يكثر قولي بس كيف ؟
مشاعل : انتوا ماتتعبون بس تحطموني ؟؟ والله يعيني على التحطيييم اللي بيجي بعد شوي !!
ديـما : وليش يجيك ؟
ريـم : لانو وبكل صراحه شكلها مسويه شي وبتتحطم
مشاعل : عليك لمبه بس مو انا اللي مسويه لحالي كلنا بس هو شي مايتسوى
البنات : هاااااااه !!!
نجلاء : ترجمي بالله ؟!!
مشاعل : طيييب اوووف لانو كيف بيعرفنا بقولكم كيف
البنات : كيييف ؟؟؟
مشاعل : لانو يالدلاخات ياللي كل وحده منكم ادلخ واغبى من الثانيه كيف بيعرفنا واحنا لما تهاوشنا معاه هناك اقصد [تطالع نجلاء] تكلمنا معاه هناك كنا متلثمين ؟!!!
البنات : ايه واللــه !!!!!
مشاعل : تعبت وانا اعلمكم ربع الذكاء اللي فيني لكن مافي فاايده ارجع واقول الدلاخه ماخذه منكم شوي وشويات
نجلاء تتريق عليها : احلفي ياشيخه ؟ اجل ليش ماقلتي من البدايه كذا ؟؟
ديـما : ايه والله وساحبتني وجايه تقولي وهي خايفه [تقلد مشاعل] وش جابه هذا هنا ؟؟
ريـم : صح والا بس مسويه علينا ؟؟؟
مشاعل : هههههههههههههههههههههه لا والله مو مسويه ولا بسوي بس لانو مااستوعبت الا قبل شوي
ريـم : فيك خير والله توك تتذكرين يوم روعتينا ؟؟؟
مشاعل : ههههههههههههههههههه وش اسوي ؟؟ توه يشتغل مخي الدلخ !! وبعدين مسويه علي انتي كان يوم قلتلك قلتي لنا كذا وانتهينا ؟؟ والا بس حكي انتي وخشتك ؟؟
ريـم : هاااااه
مشاعل : لا هااه ولا اهاا بس امااانه اماااانه بذمتكم وش رايكم فيني ؟؟ روعتكم بعدين هدئت من روعكم !! خطيره صح ؟
نجلاء : هدئت من روعكم هههههههههههههههههههههههه متعوووب عليهاااا من وين جبتيها ؟؟
ديـما : من مسلسل تاريخي
نجلاء : وش دخل تاريخي ؟؟؟
ديـما : اووف لا تدققين انتي عاد
ريـم : اوووه لو ماتدقق تمووت
ديـما : وانا اشهد
مشاعل تستهبل : وانا كماااااان [وتطالعهم وهي تضحك] ترا مااحتك بالدعايه
البنات : ههههههههههههههههههههههههههههههههههههههههههه
نجلاء : بقووه ماتحتكين هههههههههههههههه
مشاعل : الله لا يضرني بس ههههههههههههههه
نجلاء : الله يرجك روعتينا وهديتي من روعنا على قولتك والحين صار وقت وشوووو اتحداااكم !!!
مشاعل : اقول انتي مسويه تحمسسسينا يعني ؟؟ ياشيخه طسي!
نجلاء تطالعها بنص عين : اسمعوا مين اللي يتكلم ؟؟ ماادري مين اللي اذا كلمت احد وصار مشغول والا أي شي قالت اذا فضيتي والا خلصتي كلميييني ضروري عندي شي خطييير وهي ماعندها ماعند جدتي بس تحمسنا عشان نكلمها
البنات : ههههههههههههههههههههههه
مشاعل : هههههههههههههههه طيحتي خشتي الله ياخذ بليسك
ديـما : ماعاش من يطيح خشتك
مشاعل : وش عندهاااااا ؟؟؟؟
ريـم بدلاخه : مين هي ؟
مشاعل تطالع ديـما : هذي يعني مين انا ؟
نجلاء : لييييش ؟
مشاعل : لا حول انا اقول وش عندها لانها تقول ماعاش من يطيح خشتك ؟؟ يعني بالاصح وش تبي تمدح ؟
نجلاء : هههههههه هوو وشو وش تبي تمدح حرام يعني تمدحك ؟
ديـما : مدري عنها بس الشرهه مو عليها على اللي يمدحها
مشاعل تطالعها بنص عينها : اقووول ديمووه مو علي وربي انتي ماتمدحين الا اذا عندك شي !! اعرفك انا !! اخلصي وش تبين ؟
ديـما : هههههههههههههههههههههههههههه كاشفتني بس صدقيني هالمره ماعندي شي بس كذا مسكت معاي
مشاعل : ههههههههه احاول اصدقك
ريـم : هههههههههههههه لا شكلها صادقه
نجلاء : ههههههههههههه اقول بناااات
البنات : هلااا
نجلاء : لازم نسوي شي هالمره لانها اخر مره ننام عند بعض ؟
ديـما تستهبل : وراه ياكافي اخر مره ؟
مشاعل : هاااا شفتوا ماقلتلكم عجوز لا وعجوز منتهيه صلاحيتها بعد
البنات : هههههههههههههههههههههههههههههههه
ديـما : ههههههههههه يختي اتركيني بحالي لازم تحسسيني اني عجوز لا ومنتهيه صلاحيتي
مشاعل : وش اسوي ؟؟ ماابيك تنصدمين بالواقع بعدين !
ديـما : ههههههههههههههههه لا الله يخليك خليني انصدم اهون من تحطيمك
مشاعل تطالع البنات : اشهدوووا تراها هي اللي قالت خليني انصدم [ترجع تطالع ديـما] بكيفك بس ترا انا عرضت خدماتي اذا تبين يعني احطمك بس انتي ماتبين تحطيمي
ريـم : ههههههههه ميشو بالعقل احد يبي التحطيم يعني ؟؟
ديـما : هههههههههههههه انا ادري عنها ذا الخبله
مشاعل : والله مافي خبل الا اللي قالها
ديـما : اقول بـ
نجلاء تقاطعها : خلاااااااااص اسمعوني شوي بس
البنات : هااه وش تبين ؟
نجلاء : وش ذا الاسلوب بالله ؟؟
مشاعل قلبت عليهم : ايه والله خلوها تحس بأنوثتكم مالت عليكم
ديـما : اسمعوا من يتكلم بس !!
ريـم : يعني كأنها مو معانا ؟
ديـما : ايه والله
مشاعل : ههههههههههههههههههههه امزح هوو !
ريـم وديـما : ندررري هو !
نجلاء : هو وش قصتكم انتوا مع الـ هو ذي ؟؟
البنات : ههههههههههههههههههههههههههههههههههههههه
نجلاء رافعه حاجبها ومستغربه : خييير مااتوقع قلت شي غريب !
ريـم : هههههههههههههههههههه لا ابد لا غريب ولاشي
مشاعل وديـما يطالعون بعض : ههههههههههههههههههههههه
نجلاء عصبت شوي : خير انتي وياها مااتوقع قلت شي مره يضحك ؟!! من جد صدق من قال الضحك بدون سبب عاد كملوه انتوا
البنات بس يطالعون ببعض ويضحكون لاا ويضحكون زياده عليها يوم قالت كذا
نجلاء عصبت خلاص نرفزوها هي ببالها انها ماقالت شي يضحك لهدرجه واللي قهرها زياده انها يوم قالت كذا قاموا يضحكوون بقووه !!
مشاعل باليالله مسكت نفسها وتكلمت : ههههههههه خلاااص انا هههههههههه بقوول بس هههههههههه روقي
نجلاء : قولي بس بدون ضحك !
مشاعل : هههههههههههههههه احاول
نجلاء عصبت : رجعنـا !!!!!!!!
ريـم : وش نسوي طيب ههههههههههههههه شي يضحك ههههههههههههههههه
نجلاء بتريقه عليهم : ضحكوني معاكم طيب !!
البنات : ههههههههههههههههههههههههههههه
نجلاء عصبت بقووه : اقول الشرهه مو عليكم الشرهه على اللي جالسه معاكم و
مشاعل تقاطعها وتحاول تسكت من الضحك وقالت : بس بس وجع كل ذا في قلبك ههههههههه المهم بقولك انتي تقولين ههههههههه ليش تقولون هوو طحتوا فيها صح ههههههههه ؟
نجلاء مستغربه : صح يعني هذا الشي اللي يضحك !!
ديـما : هههههههههههههههههههههههه لا
نجلاء : يااااااربيه اجل ؟؟؟
ريـم : هههههههههههههههههه بس ماتعصبين!
نجلاء معصبه : مارح اعصب
ريـم : ايه لانك معصبه هههههههههههههههههه
ديـما ومشاعل : ههههههههههههههههههه من جد !!
نجلاء بهدوء وهي متنرفزه منهم : بقولون والا شلون ؟
مشاعل : ههههههههه لا لا بنقول خلاص
نجلاء خلاص طفشت منهم : قولوا طيب اخلصوا علي
ريـم : هههههههههه انا اقولك ههههههه انتي يوم قلتي لنا كذا قلتي بالبدايه هوو ههههههههههههههههههههههههه
نجلاء : هههههههههههههههههه مالت عليكم بس هذا اللي يخليكم تضحكون كذا
مشاعل : هههههههههههههههههههههه والله انك توحفه
نجلاء : هههههههههههههههه والله انتوا التحف احد يضحك كذا على شي مايسوى !!
ريـم : يعني مانضحك حرام ؟؟
نجلاء : لا اوكي اضحكووا ماقلت شي بس عاد مو كذا مالت عليكم عيونكم تدمع والله لو ايش
ديـما : هههههههه ايه لانو شكلك يضحك
نجلاء : ههههههههههه الله يسلمك من ذوقك الله يرجكم
ريـم توها تتذكر : ايوه نجييل نرجع لسالفتنا ليش تقولين اخر مره ننام عند بعض ؟؟ وراه ياكافي على قولتها [تقصد ديـما]
نجلاء : يووه ياقدمك توك تتذكرين
ريـم : خخخخخ وش اسوي يعني ؟ المهم قولي ليش !
نجلاء : لانوا ياذكيات خلاص مابقى شي على الاختبارات النهائيه واحنا ثالث لا وعلمي يعني الله يعينا على الطفش والكئابه [مدري هي تنكت كذا والا كيف هذا وانا بثالث هع]
ومافي طلعات ولاشي يعني باختصار كل شي يجيب الهم
مشاعل : والله انتي اللي تجيبين الهم
نجلاء مرتاعه : لييييييييييش !!!!!!
مشاعل : انتي الحين وش جاب سيره الاختبارات اصلا الدراسه بكبرها يعني انا بجلاله قدري اكشتفت انك تجيبين الهم للاسف
نجلاء : اقول ياجلاله قدرك لا يكثر وبعدين انا قلت كذا عشان اذكركم ماابيكم تنصدمون بالواقع
ديـما : لا تكفييين ننصدم اهون من همك
مشاعل : مدري عنها قولي لها
نجلاء : ياااااربيه خلاص مايسوى علي اللي قلته
ريـم : ههههههههههههه رحمتك والله
نجلاء : طسوووا [شهقت] بنااااااااات
البنات : ايييييييييييش ؟
نجلاء : تدرون الساعه كم ؟؟
البنات : لا كم يعني ؟
نجلاء : الساعه الحين 3 الا ربع
البنات : اماااااا !!!
نجلاء : والله شفتوا مالت عليكم بس راح الوقت علينا ولا سوينا شي غير هواشكم وهبالكم
ريـم : وشو راح علينا الوقت يالدجاجه بتنامين الحين يعني ؟
نجلاء : لا بس ماخططنا وش بنسوي ؟؟
مشاعل : خططنا ؟؟ والله لو اننا بنفجر عشان نخطط !! اقول بس خليها تجي كذا احسن
ديـما : وشو اللي تجي كذا ؟
مشاعل : ههههههههههههههه الشي اللي بنسويه
نجلاء : هههههههههههههههههه طيب قوموا نروح فوق نغير ملابسنا ونعين من الله خير وبعدين يصير خير
البنات : اوكي يلا
وراحوا فووق وغيروا ملابسهم وعينوا على قولتهم من الله خير وريحوا شوي .. وعالساعه 4 الا شوي قالت نجلاء لهم وهي منسدحه عالسرير : اقول بنات ماتلاحظون اننا طولناها
ديـما وهي جالسه على الكرسي قالت : طولناها بوشو ؟
نجلاء وهي على حالها قالت : يعني طولناها واحنا على حالنا ماسوينا شي اكشن خطير شي يعني مثل كذا
ديـما وهي نفس الشي على حالتها : اهـا
مشاعل وهي منسدحه على رجل ديـما : طيب وش نسوي!
ريـم اللي جالسه على على السرير مع نجلاء بس ماانسدحت قالت : شوفوا مارح نسوي شي واحنا كذا جالسين خلونا نقوم وتطلع الاشياء
البنات : yup yup
قاموا البنات واللي فيها النوم راحت تغسل وجهها عشان تصحصح معاهم والباقي نزلوا تحت .. المهم كلهم راحوا للمطبخ وخذوا لهم بيبسي وشبسات وشوكلاتات [يمديكم على شوكلاتات هع] وبوب كورن وطلعوا برا في الصاله وشغلوا
الـ t.v وجلسوا طول الليل هبااال وسوالف وهواش طبعا لووووول .. عالساعه 6 وربع قالت ديـما : بنات
البنات اللي كل وحده كانت لاهيه في شي التفتوا عليها
وقالوا : هـلا !
ديـما : وش رايكم نطلع نفطر ؟
مشاعل تطالع ساعتها : بسم الله لسه بدري !!
ديـما : اييييه عاد مو الحين الحين
ريـم : اوكي عادي انا
مشاعل : حتى انا
نجلاء : حتى انا بس بقول لوزاره الداخليه قبل
البنات : اوكي
فجأه رن جوال مشاعل .. ردت : آلو
................. : هلا وينك انتي ؟؟
مشاعل مستغربه : عند نجلاء !
.................. : وشوو ؟؟ ليش ؟؟
مشاعل : وشو اللي ليش ؟؟ حرام اروح !
................. : ميشو حرام عليك انا جالسه لحالي كأني جنيه
مشاعل : ليش اروى راحت ؟
................ : لا هذي هي خامده عندي
مشاعل : ههههههه اها طيب عادي صحيها
................ : اهاا يعني انتي بتامين عند نجلاء ؟
مشاعل : يعني بالله بالله لو برجع برجع ذا الوقت ؟!!!
................. : ههههههههههه وانا وش يدريني ؟؟ المهم بروح اصحيها شكل مالي الا هي ! يلا سي يو اليوم
مشاعل : ههههههههههههههه سي يو
وسكرت .. اللي كانت تكلمها اختها مها واروى هذي بنت خالتهم نايمه عندهم وهم اكبر من مشاعل بسنتين ..
ريـم : مين تكلمين ؟
مشاعل : مها اختي
ريـم : اهـا
مشاعل : ليش تسألين ؟
نجلاء : لقااافتها ماتعرفينها
ريـم : انقلعي انتي بس
مرت الساعات عليهم كلها هبااال ووناسه وسوالف ماتخلص
جا الوقت اللي بيطلعون فيه .. راحوا فوق وغيروا ملابسهم وتجهزوا .. ونجلاء قالت لأمها ووافقت بعد جهد بس بشرط مايتأخرون .. ونزلوا عشان يروحون ..
×××××××××××
هذا البارت وصل
وياليت يكون طوييييل ويعجبكم
لانو من جد تسكرت ايديني وانا اكتب وربي
وبلييييييز هالمره نبي نشوف تعلقات ورايكم
مو بس مشكوره وونتظر ... الخ
نبي توقعات ردود تحمسسس الله لا يهينكم
مو معنى كذا انو مافي ناس يتوقعون فيه بس
ناس قليييل
ومررره حلوو انو القصه عجبتكم
وان شاءالله هالبارت عجبكم يااااارب
وايش تتوقعون يصير لما يطلعون ؟
والاهم وش رايكم باللي صار كله ؟؟
وكنتوا متوقعين انو راح يصير ولد من الاولاد هذولي والا ؟
ووووووووبس!!
الباااقي عليكم
ننتظر رايكم وتعليقاااااااتكم