بس يادنيا ...كافي عذاب

(الجزء الثاني)







أستلقت ريم على وسادتها تحتضنها وتذكرت أن لها وساده تفتقدها منذ شهرين...سبحت في ذكريات حب وحبيب لا يزال يستحل كل زاويه من زوايا قلبها الصغير المتعب...

..:سهرتج حبيبتي معي وخربت نومج...
ريـم با بتسامه عذبه تذيب القلوب: أنت بس عافس نومي؟؟ انته عافس حياتي كله ومجنني ومبهذلني هههههه
حبيب: ههههههه الله الله كل هذا مسويه فيج اثاريني مو سهل (يغمز لها متعمدا إحراجها)

(تضربه على كتفه وقد انصبغ لون بشرتها البيضاء وأصبح بلون الدم )
ريـم: أخ منك تحب تحرجني تصيد بالماااي العكر أنت ؟ يا شرير...
حبيب: حبيبتي...
ريـم بنظره حالمه: عيونها..
حبيب: أحبج..
ريـم (ترفع حاجب وتنظر إليه بنظره شريره): بكـّااااش
حبيب: أفااااا انا بكّاش (بحركه مضحكه مد بوز يعني زعلان)
ريـم: وااختي فديته يدنن يلوموني فيك يا مجنني..
حبيب: منو يلومج هاااااااه؟
ريـم : لا الناس لو باتعرف شكثر أحبك بيلوموني هههههههه
حبيب: أهاااااه عدلتيها ها ... منو البكاش أنتي ولا انا؟
ريـم(تتنهد بحب):أنا عشان عيونك إلي أضيع لي طالعت نظراتها بصير اللي تبيه..
حبيب: سهرتج معاي يا روحي وانتي عندج دوام من الصبح قربي لي..(تسند ريم رأسها لصدر حبيبها حبيب )
حبيب : (يغني لها وأصابعه تتخلل شعرها الحريري) طابت ليلتك نامي...سهرتك معي ليله... أنتي غمضي عيونك... وانا أحكي لك حكايه..قرب فجرنا يطلع... ونجوم الليل تتركنا.. خلي (وسادتك قلبي)..نامي وبكره موعدنا...صحي الشمس بصوتك...
وبكره بهمس صحيني ...أبي اسمع صباح الحب ...من صوتك يناديني... قرب فجرنا يطلع ونجوم الليل تتركنا.. خلي (وسادتك قلبي)..نامي وبكره موعدنا...


(يبتسم لها أبتسامه ذاب قلب ريم من رقتها)

حبيب: من يوم ورايح مالك وساده إلا صدري وقلبي (يضرب بأصبعه ضربه خفيفها على انفها الصغير ) مفهوم؟
ريـم وهي ذايبه خلاص: مفهوم ياسي سيد..


(تفيق فجأه من ذكرياتها بدمعه ساخنه تنسدل على خدها لتتسرب لشفاها وتتذوق ملوحتها التي باتت تحرق جروحها الملتهبه)

ريـم: وين وسادتي إلي تعود اسند راسي لها وين إيدك الحنونه إلي كانت تمسح على راسي وشعري ياحبيب وين صدرك الحنون وين اهتمامك وين كل هذا وييين؟؟؟؟ آآآخ يالضيقه تعبت ياحبيب تعبت ومليت حياتي من دونك ما تسوى اني أستمر فيها ليت ربي يا خذ امانته وأرتاح من هالعذاب المتواصل الي مو راضي يرحمني ويعطف علي و يعطيني لحضه ارتاح فيها.. صدقني يا حبيب ان اللي سويته كان لمصلحتك وأدري أني ظلمت روحي بهالبعد ويمكن أكون ضلمتك ما عدت اميز يا حبيب ما عدت اميز أحس إني ضايعه...



تذكرت أغنية عبادي (خارج الاتفاق) وقعدت تغنيها بصوت مبحوح كله ألم...

قبلت أنا كل الشروط...
وافقت قطعت الحدود...
حتى الصور قطعتها..
رغباتك أنت أطعتها...
بين الجفاء والاشتياق..
عمري أنا محتار فيه...
في شي خارج الاتفاق...
قلبي أنا مقدر عليه...
قبلت إني أبعد بعيد...
وأتظاهر بكوني سعيد...
واخفي دمعي بضحكتي...
وأداري ضعفي بقوتي...
مثلت أنا أقوى الفراق...
وأني أنا اللي كنت ابيه...
نسيت أنا إني نسيت...
طيفك خطر مره وبكيت...
سهرني ودموع وجراح ...
أبكي اللي جاء وأبكي اللي راح...
قاسيت شيء ما يطاق...
قبلت أنا مدري ليه...
(تذكرت ريم بتلك اللحظة أن هي وحبيب يحبون يسمعون لعبادي الجوهر)...



ريــم : أحبك يا حبيب..




في نفس الوقت حبيب بين أمه وأبوه....


...: ياولدي نفس كلامك كل مره كلام كلام وما أشوفك سويت شي ولا تحركت ولا على الأقل قلت لأمك هالمسكينه اللي ودها اكثر مني تشوف ضناك تشوفلك على بنت الحلال...

حبيب: يا يبا الله يرضالي عليك...انتو تطلبوني شي فوق احتمالي ما أقدر ابدل الريم..شوفوا تالي هالموضوع وهالضنى..(يقولها وحس بنفس الحظه بأن الأوكسجين نفذ من صدره)..ريم تركتني
ابو حبيب: ريم قليلة عقل..وحسافه انها بنت أخوي لوانها مره سنعه ما تركت بيتها وزوجها عشان موضوع مثل هالموضوع العادي...
حبيب:موضوع عادي؟(يبتسم ابتسامه خاليه من أي معنى للأبتسامه يهز راسه بإيمائه يستنكر بها كلام والده)...
ابوحبيب: تهز راسك جنه مو عاجبك الكلام؟؟ يا ولد أمك؟
حبيب: كلامك على عيني وراسي يالغالي..استأذن يبا الحين لأن تعبان وبطلع اتمشى...
ابو حبيب: انا ما خلصت كلامي؟ ما بوجهك حيا انت؟(ينظر إليه وقد تطاير الشرر من عينيه واقتطب حاجباه )..
حبيب:آمر يالغالي..
الوالد: الزواج هذا بيتم..
حبيب: في باله (كل ما قول هانت عاجلتني بلاوي ).............
الوالد: (بصراخ يحتد) شفيك ساكت وطالعني جذي مو عاجبك الحجي؟؟
حبيب: كلامك على عيني(ويصمت)..
ابو حبيب: ابي فعل..
حبيب:يصير خير يالغالي..أستأذنك الحين..
ابوحبيب: (يزفر بحده) أذنك معك بس ما انتهى الموضوع

الجزء الثالث




أدار حبيب محرك السياره ليبتعد عن جو المنزل الخانق..

يشغل المسجل على أغنية عبادي الجوهر..ويأخذ شهيق قوي ليتخلل ذالك الالم المطبق الخفي الذي يقبع في جميع زوايا صدره..

:....(ابسألك...هو انا استاهلك...أستاهل الدمع اللي جرح وجنتك...استاهلك..استاهل اني اعشقك... ابألك عن حالنا أنتي وأنا..ياللي احس أنك أنا... حالنا ماهو غريب.انا نكون متأكدين...انا الفراق ماهو بعيد...بالرغم من جرح السنين...
حبنا دايم يزيد..ماهو غريب اني لو مره في همي نسيت وبكلمه جرحتك ...قبل ما تتألمين اللي ينزف هو دمي..هو دمي..
ابسألك ماهو غريب استاهلك...ابسألك لو قلتلك ان الحنان اللي في قلبك ينبت من الصخر الزهر...باستاهلك؟؟
وان النهار اللي بخدودك يخلي النسمه عطر...باستاهلك؟
وأن العذاب اللي فعيونك يعلم الناس الشعر ...
ولو قلت لك أني أحبك أكثر من هموم البشر وكثر الجفاء وكثر السهر...لو قلت لك..,انك أقرب من عيوني للنظر...
كل الذي اقدر اقوله...
واللي ما اقدر اقوله..
باجاوبك ...للأسف ما به احد يستاهلك...

(يمسح حبيب عينان اغرقتها الدموع واغرقتها الهموم... يبكي الرجال..وبكاء الرجال ليس بالشيء الهين..)
بصوت متقطع من اثر البكاء..
حبيب: ما حد يستاهلج يالريم ..آآه ياريم ليتج تحسين اللي بصدري بهالحظه.. ليتج تحسين باللي فيني..ليتج تسمعيني وأنا أكلمج وأهمسلج بنفسي..ليتج تحسين شكثر انا ضعيف..ضايع وتعبان...
محتار مدري شسوي ..مقدر اعصي ابوي ما اقدر اجازيه بالعصيان..صعب يالريم..ليتج تقدرين يالريم..

(وأثناء سرحانه ويأسه رن جهازه النقال)


نظر حبيب من بين دموعه للمتصل...أخذ يمسح دموعه التي تغشى عينياه ليتضح له اسم المتصل)...

حبيب: (بلهفه لم يستطيع اخفائها).. الوووو
...: السلام عليكم ورحمة الله وبركاته...
حبيب: (حس حبيب بالأحراج )آسف عمي والله نسيت اسلم..
ابو ريم: ما عليه ياولدي...
حبيب: شلون الريم ياعمي؟؟
ابو ريم: ريم طيبه..وتنظر جيتك وافقت انها تقابلك...
حبيب: ( بلهفه لم يستطيع كتمانها)صحيح ياعمي؟؟؟
ابو ريم: صحيح ياولدي ومتى ما تبي تجي حياك الله البيت بيتك..
حبيب:اذا ما في كلافه اليوم؟
ابو ريم: حياك الله انشاء الله بينا اتصال يابوك..
حبيب : الله يحيك ياعمي..
ابو ريم: تامر على شي ..
حبيب:سلامتك الغالي..
ابو ريم: مع السلامه..
حبيب: مع السلامه...

(اغلق حبيب الهاتف ...وقلبه يكاد ان يخرج من صدره من شدة خفقانه هل هو خوف من مقابلة ريم أو بهجه أم خوف وبهجه شعور لا يمكن تخمينه لحظتها )...

حبيب: آه ياريم .......أخيرا بشوفج..أخيرا بشوف وجهج اللي اعشقه ياني مشتاق ياريم ياني مشتاق لكل شي فيج ياني مشتاق لكل ملمح من ملامحج..كل شي فيج واحشني.. كل شي.. ولهان على ريحتج ولهان على ضمج ولهان ومحتاج لا ترديني خايب ياريم لا تصيرين انتي والدنيا علي..

(مسح حبيب على قلبه ليهدئ من ضرباته العنيفه...وملئ رئته بشهيق ٍ بمحاوله يائسه لتقليل من حدتة توتره)
ابو ريم : السلام عليكم..
ام ريم: وعليكم السلام.. هلا ابو ريم لا تعبت انشالله
ابو ريم: لا ندمتي يالغاليه.. (بتعب شديد) يالله الواحد مايقدر يطلع دقايق بهالجو الا يرجع منهد حيله..الا اقول؟
ام ريم: سم يابو ريم..
ابو ريم: اليوم بيجي حبيب يقعد مع ريم يتفاهمون..
ام ريم: (بدهشه) اليوم!!
ابو ريم : أي اليوم ليش؟ في شي؟
ام ريم: لا بس ليش بسرعه جذي
ابو ريم(بنرفزه) : شنو اللي بسرعه يعني؟ لعب جهال هو؟ مو انتي قايلتلي أنها وافقت تقابله؟
ام ريم:أي يابو ريم..بس ما ضني تقابله اليوم
ابو ريم: وليش انشالله..
ام ريم: انت كلمها..انت وبنتك أتفاهمون..
ابو ريم(بعصبيه واظحه): والله امركم عجيب يالحريم..نادي ريم على ما ابدل وأنزل..
ام ريم: ابشر..(وفي نفسها)مافي الا ناهد هي اللي تقدر تقنعها ابوها اكيد بيجبرها وبتطلعه مجبوره..

(تذهب ام ريم لناهد معتزمه بتكليف ناهد مهمة اقناع ريم بمقابلة زوجها اليوم )..




....(في تلك الحظات بينما ريم في حاله يرثى لها من التفكير والقلق طرقات الباب تنتشلها من دوامة الأفكار)..

ريم: منو..
ناهد: انا ياريم انا ناهد بطلي الباب بسج من تسكير هالباب..
ريم: هلا نونو لحظه..
ناهد: (تمسح بيده الدافئه على خدها بحنان) شفيج ريماا ليه وجهج منقلب؟
ريم: (بنظرة أسى تحفي ورائها نهر من الاحزان) ما فيني شي..
ناهد: اللسان يجذب ياريم والعيون تصدق..
ريم: تعبانه ناهد..
ناهد: (تجلساها على الكرسي وتجلس بجانبها وتضغط على اصابع ريم)..بيدج ياريم تنهين هالتعب..
ريم : (ببتسامه باهته) قصدج من تعب لي تعب..عشت ايام حلوه بس هذي الدنيا ناهد تفرق ما تجمع بعد كل سعاده لازم يجي حزن مهما طالت المده..(تهدج صوتها بالبكاء)..والهحزن يذبح ياناهد يذبح...

ريم: (تضم ناهد اختها الكبرى لصدرها بقوه لتخفف عنها من قسوة ظروفها التي لم ترحمها ومزقت قلبها الحنون الرقيق) بس ياريم بس ياحبيبتي ما بيج ضعيفه جذي ابيج قويه ابي ريم القويه الصلبه الجبل اللي ما يهزها شي ....
ناهد: ريم..
ريم(بتعب):هلا ناهد
ناهد: دق على ابوي وقال انه بيجي اليوم..
(ريم تجفل):منو بيجي..
ناهد:حبيب..
ريم: (شهيق وزفيرعنيف يكاد ان يفجر رئتها) حبيب..ال ي و م..متى؟
:ما ادرى الي فهمته من امي ما حدد متى..
ريم: ناهد احس ماقدر اقابله...(يرتجف جسم ريم كاورقه تتقاذفها الرياح) مو جذي بسرعه ليش تتصرفون بكيفكم؟؟
ناهد: لا حول ولا قوة الا بالله ..اذا مو اليوم باجر مصيرج بتشوفينه وتقعدين معاه ليش الخوف.. ليش؟؟هذا حبيب مو غريب هذا زوجج ولا نسيتي؟؟..
ريم(بارتجاف ملحوظ): ناهد تكفين...على الأقل مو اليوم..مو اليوم احس بضعف جدامه ابي ارتب افكاري ومشاعري وكلامي وكل شي..الموضوع مو بهالسهوله..والله شي مصيري يا بشر..
ناهد: (بحركه سريعه تقيد ريم بين يديها وتضغط بأصابعها على كتفي ريم وتهزها بعنف) ريم ..طالعي لعيوني انتي مو بهالضعف انتي قويه وراح تعدين هالمشكله مابي هالتوتر الي ينفضج اللحين مابي اشوفج بالهضعف..انتي ريم اختي الكبيره مثالي بالحياه انتي مصدر القوه بالنسبه لي..لا تضعفين..
ريم: ( بوجه تغشاه الدموع بنظره ميته تنظر لعيني لناهد ) قويه (بابتسامة استهزاء)هذاك اول..
ناهد: لأ مو أول..انتي قويه وشخصية الانسان ما تبدل..
ريم:حتى لو ما بوافق بيجبرني ابوي اطلعله..
ناهد: (تربت على كتف ريم) يا حبيبتي الحين بعدي نفس الشي خلاص هو جاي وانتي راضيه تقعدين معاه..
ريم (بنفس متقطع): يصير خير..بطلع له..
ناهد: حبيبتي انتي..لا تخافين حنا كلنا معاج ومثل ما قلتلج هذي حياتج بروحج والقرار بيدج انتي وبس..
ريم: (يارب مدني بالقوه)..

الجزء الرابع



(اختلت ريم بنفسها الخلوه التي اعتادت عليها من شهرين ..منذ ان نفصلت عن حبيب اختلت وحدها والهموم والتوتر ينقض عليها يحاول النيل منها وهي تحاول التفكير بأي شي لتصد تلك الهموم لم تجد سوى ذكرى كلما تذكرتها احس براحه تغمرها ترجع بالذاكره لعيد الزواج الأول بينهم وتبتسم وتنظر للفراغ وترحل بروحها لذلك اليوم)..


حبيب: ريم..
ريم (وهي تاكل):هممم
حبيب: هههههه مو فاضيه البنت عندها شغل مهم قاعد تبرم بكل جد واجتهاد هههههههههه
ريم: ( تشهق وتحط ايدها على صدرها متصنع الصدمه)... يمااا منك اول مره اشوب رجال عوب ههههه مو انت قايلي قومي اكلي كتوفج طقت من الضعف..(تكمل نتف بالصمونه) هممم مو؟ والله (تمد بوز)...
حبيب: ياويلي على اللي يزعلون اول مره احس ان الواحد لي زعل يصير لذيذ جذي ..يا خرب بيتك وبيت بيتك(بياكلها بعيونه هههههه مجنون حبيب)..
ريم: يماا سمالله على بيتي من الخراب بيت عدويني..بس لا طالعني جذي بهالخزه هاذي ياربييييييي..
حبيب: (يبتسم ابتسامه خبيثه) ليش اشفيها خزتي هاااه؟
ريم : يوووووه عاد شيسكته الحين ههههههه..حبيييييييييب بس عاد تكفى ترى تكفى تهز الرجاجييييييل...
حبيب(يتغير مزاجه): لا تقولين تكفى على أي شي ماشي
ريم:شفيك حبيبي ليش اعتفس مزاجك
حبيب: مافيني شي ابيج معتزه بنفسج مابي اسلوب الترجي هذا حتى لو غشمره لا تعودين هالكلمه ماشي..
ريم: (تنظر إليه بنظره ملؤها الإستغراب) اوكي حبيبي لا تضايق اتغشمر..فديتك
حبيب: نسيتيني شكنت بقول..
ريم: اممممم فكر بشي ثني وانت تذكر..
حبيب: اوكيشن يا عالمة النفس..
ريم: أحم أحم لا داعي لا داعي..
حبيب: أي ..تذكرت اليوم بقطج عند أهلج عندي سهره بليل بروح الجاخور مع الربع

(بهتت ابتسامة ريم وتضيق عيناها وتنظر إليه باستغراب)

ريم: ليش تروح
حبيب( فيه الضحكه على تعابير وجه ريم بس ماسك نفسه):شفيج ريوم قلتلج سهره مع الربع..بجيج الفجر وآخذج لستانسي مع اهلج وناهد مو انتي تحنين تبين تروحين عندها؟؟
ريم في بالها (هذا شكله مو شايف التاريخ اليوم ولا يدري وين الله قاطه اففف منه عليه نسيان ) وهي تهز رجولها وترفع حاجب : اوكي براحتك يا سي حبيب..
يالله البسي اشوي وامرج اقطج لهلج..
ريم: بعد تقطني شنو كرتون فاضي تقطني..هااه
حبيب: لا قوطي سانكست..
ريم: هي هي هي بايخه..
حبيب: اخس بردتي وجهي صار قالب ثلج..
ريم:فديت وجهك(بحركه سريعه تضع يدها على خد حبيب يمسك يدها حبيب ويقبل بطن كفها ويشمه بقوه)..
ريم: )بضحكه ساحره)ههههههههههههههههههههه شتسوي يالمجنون...
حبيب: ابوس أحلى ايد ربي خالقها بهالكون..
ريم (تتهرب) : امممممم مو انت قلت بتقطني بيت اهلي ..اناا بروح اتجهز..بااااايو
حبيب: هههههههه مخقه هالبنت..

(يتصل حبيب بمحل الألماس ويسأل عن العقد المعروض في الاعلان ومن حسن حظه ان العقد المعروض لم يتبقى منه الا قطعه قام بحجزها)..



يعود حبيب للمنزل بعد شراء العقد وتغليفه بعنايه وتوصيه ووضعه بصندوق خشبي محفور وأنيق جدا يحوي ابيات كتبها لريميته..وحرص على أخفائه...


حبيب:ريمووووووو(يمثل نفسيه)
ريم: هلااااا انا هني..
حبيب: (ويعلى صوته بالصرااخ) شنو هالبرود اللي عليج متزوج سلحفاه انا المفروظ يالشيخه تكونين ناطرتني ولابسه عباتج مو تنقعيني سواق ابوج انا؟؟(قالها متصنع العصبيه) مفرووووض تكونين جاهزه ما انطر...
ريم: ( وقد برزت عيناها للأمام من هول ما ترى وتسمع ) (معقوله هذا حبيب لا صج اليوم في شي الظاهر مل مني لا أكيد مل مني)....

حبيب : حجيه...عربن (ويضربها ضربه خفيفه على رأسها لينتشلها من سرحانها)<<<<حبيب فيه دفااااشه حيل
ريم : (بصوت مخنوق) هلا..
حبيب(يحضن رأسها لصدره ويداعب انفها بحركة لتطيب لخاطرها) افااا صغيرونتي طنقرت علي؟؟
ريم: لاتصرخ علي..(وتكمل بصوت مخنوق) انت تدري اني حساسه وما أتحمل أحد يصرخ علي (وتنهمر الدموع من عينيها)
حبيب:افا ريوم ..ريما والله اتغشمر.
ريم: لا ما تتغشمر.عن اذنك..
(تركض لغرفتها وتغلق الباب خلفها بقوه ويتبعها حبيب )
حبيب: بطلي الباب بلا هبل..
ريم: بعد هبله ها والله مو انا الهبله بعض الناس هم المهابيل..ماني مبطله وروح لربعك الغالين وقعد لي باجر زين..لاتجي احسن..
حبيب: ههههه ريم يالهبله صج أنج هبله هههههه
(صوت أرتطام قوي بالباب )
حبيب: شكسرتي يالهبله ؟؟
ريم: الابجوره ليش تضحك أحسن..
حبيب: الابجوره منو ابجورته أبجورتي؟
ريم: (ببرائه الأطفال) أي..
حبيب : وجعي..
ريم : يعني اكسر ابجورتي هبله احسن ليش تضحك..
حبيب: اقول عن الملاقه يالله البسى مالي خلق لدلعج الماصخ..
ريم: بعد بعد والله ما اطلع..ولا أخطى
حبيب(بعصبيه) تطلعين وأنتي خوش بنت يالله اخلصي أنا انطرج بالسياره..




بعدما خرج حبيب للسياره ينتظر ريم ..

حبيب: في نفسه(ياكثر ما حبج ياريميه وهو يضحك من قلب انه نرفزها ورفع ضغطها)

بعد دقاق تخرج ريم من باب المنزل وتغلقه وتهم بركوب السياره...تركب السياره وتغلق الباب بقوه لتنتقم من حبيب بسيارته بعد الابجوره...

حبيب: شووووووي شووووووووووش شفيج انتيييي؟؟؟
ريم:...............
حبيب: (يأشر بحركه يتحمد الله بها بتعبيرعلى جنوونها)
ريم:.............صمت مطبق

بعد عدة دقائق...تتكلم ريم

ريم: شقصدك بكل اللي سويته اليوم ياحبيب؟؟
حبيب: ( يتصنع البرائه) ماسويت شي..شسويت؟
ريم: حبيب لا جنني؟
حبيب: (يضحك) انتي مجنونه رسمي..

وصل البيت ابوريم...

حبيب: يالله تفضلي..
ريم: لا تمرني اليوم زين؟؟؟(بنبره غاضبه وتغلق الباب بقوه) مسكييييييين هالباب..
حبيب: مو بكيفج؟...(لم تسمع الباقي وذهبت يضحك حبيب من قلبه على جنون هالبنت وتفكيرها الطفل)

الجزء الخامس


انصرف حبيب بعدما اوصل ريم لمنزل والدها..وفي رأسه مخطط لهذه الليله...

تدخل ريم لمنزل والدها وقد تملكها الغضب من تصرف حبيب والتغير المفاجئ لتصرفاته..

ريم: السلام عليكم..
ام ريم وناهد: (بدهشه من هذه الزياره المفاجأه) وعليكم السلام ورحمة الله وبركاته...

تنظر ناهد لريم التي يبدو عليها الضيق..

ناهد باستفهام: ريم حبيبتي..عسى ماشر؟؟
ريم: (بضيق من سؤال ناهد)
ماشر..مافي شي شنو بيكون فيه يعني؟...عن اذنج بروح اقط العبايه
ناهد: لحظه نطريني بروح معاج..
(في غرفة ناهد)

ناهد: ريم اشفيج شكلج يعور القلب شصاير؟؟؟
ريم: (تبعد نظراتها عن ناهد للهروب من استفهاماتها) مافي شي شفيج مافي شي (تختنق بعبرتها)..
ناهد: مافي شي هاه يالجذابه(تجذب ريم لها وتمسك بوجها وتثبته لتواجه عينيها لتقر بمكنونها)
شفيج حبيبتي...حبيب قالج شي زعلج بشي..ترى اديله بالبنيه..


ريم: (تضحك مابين دموعها) حسبي الله على بليسج ..
ناهد: اي لايقرب صوب الريم ترى بسود عيشته..
ريم: (تتصنع العصبيه) اقول بس عاد لاتقولين عن حبيب جذي بكيفه..
ناهد: لاوالله هذا وهو مزعلج ياعيني على العشق ياعيني..
ريم:مدري شفيه اليوم منقلب علي احسه مال مني..
ناهد: اقول بلا هبل قال مال قال..اقول يتحمد ربه عنده هالغزيل.اي والله..
ريم: يوووه ناهد شفيج شنيتي حرب طاحنه على حبيبي..
ناهد: لا بعد اذا تبين حرب البسوس وداحس والغبراء...ههههه
ريم: يادمج!!
ناهد: اختشي يابت..
ريم :بت لما تبتك...انتي هيه استحي على وجهج انا اكبر منج..
ناهد: الله عاد والكبر..انتي عمرج 19 وانا عمري 18 يعني عشان سنه تبين تمصخرينييييي
ريم :ههههههههه حسبي الله على ابليسج والله انج طيرتي همومي..
ناهد: (تحرك حاجباها ) كنا كنا اعجبك انا..
ريم: واااااااي نونو فيني تعب فوق التعب نشف دمي اليوم حبيب بالصراخ..
ناهد: عادي يبا الدنيا مو كلها استقرار الهواش فلفل الحياه الزوجيه..
ريم: (باستغراب) نعم اخت ناهد؟؟؟ فلفل
ناهد: هههههههه شفيح فلفل أي فلفل
ريم: انا اخبره ملح الحياه مو فلفل الحياه
ناهد: عادي ما طاح الا انبطح..ههههههه
ريم: والله مو صاحيه هههههه
ناهد: يووووووه عن البربسه اللي مالها داعي خل نرجع لمي تنطرنا انا دايخ راسي على الجاي ماودج بسكانة شاي تعدلين راسج اليابس فيه...
ريم : انا راسي ياابس ها انتي شكلج تبين تنطقين اليوم...تعاليييي
نااهد : (تهرب من ريم) يماااااااااااااااااااا الحقيني من بنتج الشرسه...ههههههههههههه


(ذهب حبيب لتجهيز البيت بأكمله لعيد زواجهم لم يكن لينسى كما كانت ريم تضن)...

الساعه 11:30مساءا ُ

(اتصل حبيب على بيت عمه وتحدث الى ريم)

حبيب: هاي بيبي..
ريم: (من غير نفس) هلا..
حبيب: (يغير لهجته) اقول تجهزي بمرج بعد شوي..
ريم: مابي ارد..
حبيب: ريم بعد ربع ساعه بوصل ان ما طلعتي بجرج من كشتج..
ريم: (بدلع) لا والله مو بكيفك...
حبيب: تجهزي اخلصي بسرعه ..
ريم : (بخضوع) زين..

(فعلا بعد ربع ساعه كان حبيب عند الباب)

(طبعا كعادة ريم تنتقم من الباب المسكين بحالة الغضب)

طراااااااخ....

حبيب: ههههه مجنونه فديتج يا اساس الجنون..وأحلى الجنون..
ريم: تطنز هاه تطنز مع وجهك..
حبيب:لا اتغزل ما اتطنز ..(يرسل لها قبله بالهواء)
ريم: (تنظر اليه وملئها الدشه من تقلبات مزاجه)

تدخل ريم للشقه وتجول ببصرها باندهاش لأركان الشقه ولكمية الشمووووع وبتلات من ورد الجوري مزقت قطع صغيره بطريقه جدا رومانسيه وصصففت مع الشموع بخط مستقيم بطريقها وصولا لغرفة النوم..تتبع ريم الشموع وتفتح باب الغرفه لتجند صندوق خشبي صغير وضع على السرير..تفتحه وقد تملكها شعور لاتستطيع تفسيره خليط من الفرحه والتوتر والحب....لحبيبها..

حبيب: (ينظر لها نظره مليئه بالحب)..كل عام وانتي بخير صغيرونتي اليوم عيد زواجنا...احلى سنه مرت علي معاج ياريم..
ريم: (تنظر إليه بنظره مليئه بالدموع) ..وانت بخير يابعد هالدنيا باللي فيها..
حبيب: (يحضن ريم لصدره ويطبع قبله دافئه على جبينها) ريم
ريم : همممم
حبيب: انتي عطايا الرب لي هديه..انتي اجمل هديه وانتي ملاكي انتي والله حبيبة قلبي وصغيرونتي ودلوعتي..أحبج ياملاكي..
ريم : (وهي لاتزال غارقه بأحضان حبيب).. وانت اجل نعمه ربي انعم فيها علي...ياروح روحي..
حبيب: (يفك حضنه عن ريم) ماتبين تشوفين الهديه..
ريم: كل شي منك بيكون احلى شي بالدنيا
حبيب: (بحب) حبيبة قلبي..
حبيب: هذا العقد من داماس..(بحركه سريعه مد يده لصندوق والبس ريم العقد ويهمس بإذنها با أروع كلمة على وجه الارض)
اعشقج ..انتي حبي الازلي..
ريم: (تريد ان تخرج نفسها من هذا المأزق) حبيبي في ورقه بصنوق ما شفناها..
حبيب: هاه أي أحمم أي هذا شعر كتبته لج..
ريم: (بدلع) ابيك انت تقراه..
حبيب: من عيوني يا نور عيوني..

كل عام وأنت بخير يا سيد الأحباب
كل عام وأنت اللّي منـوّر حياتـي
كل عام وأنت لفرحتي كل الأسبـاب
كل عام وأنت أجمل وأغلى أمنياتـي
كل عام وأنت بعين مغليـك جـذّاب
كل عام وأنت اللّي على مشتهاتـي
بعتاب أشكي لهفة الشـوق بعتـاب
يا أقرب الأشخاص وأشبـه لذاتـي
أنت الوحيد اللّي قطف زهر الإعجاب
وأنت الوحيد اللّي سكـن أغنياتـي
أنت الذي تملـك مفاتيـح الأبـواب
وأنت إتجاهات الغـلا فـي جهاتـي
صوتك يسافر داخل القلـب ينسـاب
يا أجمل الأصـوات فـي ذكرياتـي
قبلك حياتي كلّهـا كانـت أسـراب
وأنت الذي جمّعتنـي مـن شتاتـي

ريم: صح لسانك...حبيبي كل هذا لي ..احس اني بحلم مابي اصحى منه.....

الجزء السادس




(ترجع ريم لترتطم بأرض الواقع المر المأساوي وتنتهي اروع لحظاتها مع حبيبها حبيب)
تمسح دمعه ساخنه تسللت من عينها احرقت خدها وكادت ان تحرق روحها ....
ريم: اه ياحبيب وينك تعبانه ذبحني التعب شي بصدري مقدر عليه.. قلبي مقدر عليه عليه يا حبيب انا مو قدك ولا قد الصمود قدام جبروت حبك ...حبك اللي بكل خليه بجسمي كبرت وكبر حبك معاى ربيت بداخلي حبك ورسخته فيني..مافي مفر منك ياحبيب مافي أي مفر..

تنحدر قطرات ساخنه على خدها الناعم تجر خلفها سيل من الدموع والآهات..

الله اقوى ليه خانتني الظروف...ماهقيت الليل ما يوفي الوعد
ماتت الفرحه وانا بعيني اشوف...حارت أقدامي وقلبي في جلد
هو وانا في ظلمة الليل وقوف...القمر شاهد ولا غيره احد
وقتنا قاسي وفينا ما يروف...تسأله عيني!! وعينه ما ترد
لهفته لي مثل قلبي له شغوف...له عنيت واوفيت انا له بالوعد
سلهمة عيني بها رجوى وخوف...ليلنا جانا بعكس اللي نود
منوة الضامي من ماه الرشوف...يابخت من شاف واوفاه السعد
ياسراب ولو مسكتك بالكفوف...لو شربت اظمى وهو يضمى بعد

(بعد انا هدأت وصلت صلاة الاستخاره ليدلها الله لطريق راحتها.. وهي جالسه بمصلاها.. واذا بالباب يُفتح فجأه وتطل ناهد من الباب)..

ناهد: ريم..
ريم:شفيج جذي جنه احد لا حقج...
ناهد: وينج انتي حبيب بالدوانيه ابوي قالي اناديج..
ريم:حبيب بالدوانيه..هههه لا مو الحين(احتقن وجه ريم)
ناهد: والله العظيم يالله بسرعه تزهبي
ريم: لا..
ناهد: والله ياريم ..شفيييييج قومي اللبسي استغلي الوقت...
ريم: ناهد..ياربي..لحظه زين شلبس ماتجهزت شهالحظ!!
ناهد:اسمعي اطلعي بدراعتج هذي بس ضبطي شعرج..
ريم:يالله ..(تمسك ايد ناهد) ناهد احظنيني ابي احس بالأمان.. احس قلبي بيطلع من صدري احس بيغمى علي..
ناهد :سمالله عليج.. تعالي ياقلبي(تحضن ناهد ريم لتهدئ من توترها) بس عاد يالله ما خليتي شي لحبيب..خليه يكمل عني..
ريم: ناهد خايفه..والله خايفه..مشتاقه ومرعوبه وملهوفه..كل شعور ونقيضه يعتريني اللحين..
ناهد: قوي قلبج هذا حبيب..وجاي يتفاهم هذا حبيب مو بعبع( تحاول ان تلطف جو ريم واذا بصوت ابو ريم يجلجل بالمكان ويزداد توتر ريم اكثر واكثر)
ابو ريم: رييييييييييم ريييييييييييم ..
ناهد: يالله هذا ابوي يناديج ..بسرعه
ريم: ( وقد نفذ كل قوه وانهار كل حاجز وضعته لدموعها وانهمرت من شدة التوتر) ياربي بس خلاص متوتره مو قادره مو قادره اطلع..ناهد شوفيلي حل..
ناهد: ريم واجهي واجهي لا تهربين..مافي مفر ..انا طلعه..
ريم: ناهد..
(خرجت ناهد واضعه ريم بوجه المدفع لتواجه واقعها وتتخذ قرارها لوحدها)
دقائق وتخرج ريم للصاله لتجد والدها ينتظره ليصطحبها لمجلس الرجال)
ابوريم: يالله يما ريم حبيب ينتظر..
ريم:...(الصمت جوابها)
(ينظر ابو ريم لبنته)
ابو ريم: امشي معاي يا بنتي واذا تبين ما تشوفينه بعد ما حد بيغصبج..(يسحب ريم معه لمجلس الرجال)
وتدخل...

تكلمت عن مشاعر ريم لهذا اللقاء ولم اتطرق لحبيب ولم أغوص بمكنون قلبه لأستخرج لكم التناقض العجيب بإحساسه بهذه اللحظات مزيج من الإشياق حتى الثماله مزيج من التوتر حتى الجنون..حب وخوف وبحر من الأشواق ذاب به كّل ٌ منهما..خوف من المواجه يتغلل لقلب كليهما..يشعرك هذا الشعور بمزيج من اللذه والالم والخوف..
أثناء الإنتظار ..لسان حال حبيب:
((دقت الساعه والموعد حظر...ورقصت الموجه على سطح القمر..
وغنت الغيمه... بزخات المطر..
وجيت اسابق الخطوات لك حافي القدم...ملهوف..
ملهوف واشواقي نغم..
جيت ..جيت
بالثوب الجديد..ياعسى عمرك مديد..
شمس تشرق بالوصال.... واقع ماهو خيال...
جيت والقمرا بكت من فرحها نور وقصيد..
وعانقت عيني عيونك وابتدى فالقلب عيد..يامحطات الصبر..
ماعلينا من الصبر حنا وصلنا...امس كنا ننتظر..
وانتهى اليوم الحذر..نلنا املنا واجتمعنا اثنين في أجمل طريق...
وابتدينا.. فدرب معشوق وعشيق...
وبالسلامه يالشقاء..
آه يامحلى اللقى..وآه يا محلى العمر..آآآآآآه يامحلى العمر...))

الجزء السابع


اللقاء،،،

((دخلت ريم لمجلس الرجال يسبقها الشوق والحنين لمقابلة حبيب تتسابق ضربات.. قلبها تزيد من حدة توترها..تضغط على صدرها لتكتم أنفاس تلك الضربات وتخنقها ..تكاد تفضحها وتصل لآذان حبيب..أنفاس متلاحقه.. لهفه تقابلها لهفات ..عينيها تلتقي بعينيه..في عناق دافىء وحميم...تريد أن ترتمي بأحضانه..تدفن رأسها بصدره الحنون.. تقبل قلبه الدافيء تشتكي قسوة أيامها وأيامه .. تريد أن تصف حجم معاناتها في غيابه..آه يا حبيبي ...))
افتقدتك
افتقدت همساتك الدافئه على أََ ُذنيّ..

هناك في أعمق نقطه بأحلامي تداعب صورتك خيالي..
تأبى إلا أن تستعمر كل أفكاري...


اوااه...أراها عيناك الآن تحدق بي فيهما أنواع العذاب..

تأسرني تجذبني تبعثرني وتجمعني..
لا اعلم سر تلك النظره اللي تسبب لي كل أنواع الضياع ...
هل هي لغة العيون؟؟
أم لغة القلوب؟
أم روحك و روحي في عناق دافئ ليس له قرار؟

احبك..بحجم أنين روحي كلما ابتعد عنها..

احبك..بحجم أحلامي التي تأبى إلا إن تكون بطلها..

احبك..بحجم جنوني وأوهامي..
احبك بحجم حنيني...لطفولتي وألعابي...

احبك..وأحب الغموض بعينك أسبح بهما بلا قرار على أمل الوصول لجزيرة حنانك الآمنة على أمل الوصول لقلبك الدافئ ليلتحم بصدري ويسجن به للأبد...


انقطعت بيني وبينك كل السبل..
ضاع كل شي مني بضياعك من أحلامي..
بدأت الغيوم السوداء بمهاجمة أحلامي ،،،
بقتل كل الأماني..
عد إليّ يا حبيب لتبدد ضياعي ... وتنقذ ما تبقى من أحلامي......
عد لي يا حبيبي..أحتاجك..
ريم: (تمتمات تجول في صدرها) آه ياحبيبي شكثر محتاجه لك لمني حيل حيل ليتك تفهم إني محتاجه لحظنك أكثر من أي شي بالدنيا حبيب يا بعد هالدنيا بلي فيها ليش ضعفان ياروحي ليش بهتان لونك وين لمعة عيونك كل هذا فيك وأنا احسب إني الوحيده اللي عايشه بعذاب ليتك تسمع اللي بصدري لأني مقدر اصرح فيه ياحبيب ما أقدر وأنت اكثر واحد تعرف عزة نفسي آه ليته يوصل كلامي لقلبك ذاك الدافي اللي بصدرك اللي أحبه بجنون ..حبيبي اشتقت وأشتقت ..وأشتقت..)

ابو ريم: حبيب ياولدي هذي مرتك..حاولوا اتفاهمون ما يحتاج أوصيك عليها بنت عمك ولحمتك..تفاهموا ياولدي..
حبيب: (موبس لحمتي هي القلب اللي بصدري يا عمي)
ينظر لريم بنظره ملؤها الحنان والعتب..

حبيب بتعب: لا توصي ..يا عمي ريم بعيوني..
(تنظر له بعين ملؤها الدموع تقابلها نظره حنونه مطمئنه)
خرج أبو حبيب هرولت ريم خلف والدها تريد أن تمسك بطرف ثوبه.. تريد أن تهرب أن تتكلم ...أن تلفظ استنجاد:يبا لا تتركني..
امسك بيدها حبيب يجول بنظرات متفحصه لهيئتها يرى العذاب بقسمات وجهها ...امسك بأطراف شعرها المتناثر... وضعه على أنفه يستنشقه ويشهق بعبره جلجلت صدره ومزقته..
تتناثر دمعاته الحاره مفجره بركان طال خموده جثى على ركبتيه بإعياء..
حبيب: ليه ياريم..ليه تركتيني وأنتي تدرين أن هالقلب(يضرب بقوه على قلبه) ما ينبض لغيرج..
(تزل ريم للأرض معه وتحضنه بقوه لصدرها هي بحاجه لهذا الحضن أكثر منه)

ريم:حبيبي..بسمالله على قلبك يا بعد هالدنيا باللي فيها..تحضنه لصدرها تمسح على رأسه بحنان..
حبيب: ليش تركتيني وأحنا تواعدنا أن ما يفرقنا إلا الموت أنتي نكثتي الوعد اللي بينا..
ريم : ( تضع طرف اصبعها على فمه) اششش خلاص هذا انا عندك..
يلمس حبيب خد ريم..
حبيب: تدرين احس إني أحلم ريم انا أحلم؟
ريم:لا ياروحي أنت عندي حنا اجتمعنا..حبيب أنت لي مو لغيري ياحبيب..
ينظر اليها والدموع تترقرق بعينيه..
حبيب:احسب اني فقدج احسب انج ضعتي من ايدي..
ريم:حبيب..أنت لي مو لغيري..تفهم..
((تدفن رأسها بصدره ))
ريم: حبيب (تشهق) لمني حبيبي لمني لصدرك..
بحركه سريعه طوق حبيب ريم بذراعيه جذبها لصدره لجزيرة حبه..لقلبه الذي تعشقه بجنون...تزيد من غرس اصابعها بظهره تتشبث به كا حلم يتسرب من بين أصابعها..تبلل قميصه بدموع كانت تُذرفها بصمت على وسادتها))
يقف حبيب ممسكا ً بيدها لمساعدتها على النهوض..
حبيب: ريميتي..قومي يا أمي أنتي... بيتج مشتاق لج كل شي بالبيت مشتاق لج..
ريم:اذا وعدتني ان محد ياخذك مني ...بروح معاك مكان ماتبي..
حبيب: أنتي لي وأنا لج ومحد يقدر يبعدنا عن بعض يا روحي..

يمسك بكتفيها..
حبيب: ريم ..احنا انخلقنا لبعض ..أنا ما بي عيال مابي ضنى أبيج عندي أبيج أنتي... ما كان عندي الشجاعه أقولها قبل بس الحين بقولها واب الدنيا كلها تسمع...حبيب لريم وريم لحبيب ..وما يفرقنا الا حكم رب العباد..
يمسك بيديها يقبلها بشغف وشوق..
ينظر إليها بغصه: إيلين..
ريم: (تبتسم من بين دموعها) أي إلين العطر اللي تحبه وأهديته لي آخر هديه من حبيب قلبي..
يرجع ليديها يلثمها ويستنشق عبيرها..تتساقط دمعاته على يديها الناعمه..
يمسح دموعه ودموعها..
حبيب: كافي عذاب وكافي دموع..خلينا نروح بيتنا..
ريم: (تبتسم برضى) دامك لي وين ماتروح انا معاك ولك..

عطني وعد..انك تمر تلقاني اصبرلك عمر.. ومهما تغيب تبقى
حبيب..وغيرك أبد ما انتظر...
غالي علي وأحسك بروحي شريك..
والدنيا حلوه..حلوه فيني وأحلى فيك..
ارجع أبيك قرر تجيني ولا حالا ً أنا أجيك....
عطني وعد أنطر بعد عوضني كل اللي أنفقد..
طمني ارسلي خبر..شوقي من الجمره أحر...
يرضيك نبقى للأبد..أنا بلد وأنت بلد..؟؟
***************************************


--------------------------------------------------------------------------------

الجزء الثامن



خرج حبيب من منزل عمه أبو ريم وبجانبه أغلى إنسانه على قلبه ظفر بها بعد شهرين من المعاناه والعذاب لكلا الطرفين..
حبيب: (بالسياره ممسكا ً بيد ريم) ريميه..
ريم: همممم
حبيب: أحبج..لاتخليني ..
ريم: وأنا أحبك..
حبيب: يعني ما راح تخليني..مهما صار..
ريم: ...
يمسك يدها ويقبلها بشغف..
حبيب: صدقيني وجودج بجنبي يسوى الدنيا وما فيها.... ريم انا بدونج ما أعيش..
ريم: ما وحشتك؟
حبيب: آخخ مو بس وحشتيني..صرت وحش من كثر ما وحشتيني..
ريم:هههههههه...
حبيب: فديت هالضحكه والله ياني مشتاق لها من زمان..
ريم: (منحرجه وتحاول تلهي نفسها بالتليفون)
حبيب : أي صج..
تلتفت ريم باستفهام..
حبيب: (رافع حاجب) ليش غيرتي رقم موبايلج..

تبتسم بتوتر..

ريم: لا بس الشريحه ضاعت ومافي احد يجيبلي بدل فاقد فطلعت خط ثاني..
حبيب: ضايع ولا انحشتي من مكالماتي..
بصوت مبحوح ...
ريم: حبيب ..اللي صار مو شويه..
حبيب: خلاص ياروحي من اليوم كل شي بيتغير اوعدج..
ريم: منو بالبيت..
حبيب: الوالد والوالده..ومها وعبير..وبدر..باختصار كل الشله موجوده هههههه
ريم:..........
حبيب: شدعوه عاد ابتسامه نظره..كلمه سلااام من بعيد؟؟
تنظر إليه ريم بنظرات مليئه بالحزن ...تبحث عن مرفئ لأحزان أنهكتها وأتعبتها تبحث عن أجوبه لتساؤلات باتت تخنقها عن مستقبل ومصير مجهولين ... (آه ياحبيب الله يستر من أمك وخواتك الله يستر من أيامي الجايه)

جفلت من يد حبيب وهو ممسكا ً بذراعها..
حبيب: ريم وصلنا حبيبتي يالله انزلي..
ريم: انشالله..الأغراض؟؟
حبيب: بشيلهم برسم الخدمه جم ريم عندي أنا...
ريم: الله يطولي بعمرك..
حبيب: يالله حياتي ..
دخلت ريم بتوتر للمنزل تتفحص كل شي الباب ..المقبض ...الجدران...حتى ذرات الغبار على الجدران لم تتحرك باتت ساكنه بمكانها تنتظر عاصفه هوجاء وريح عاتيه تتقاذفها كأجزاء من الذرات تخشى أن تكون ذره من تلك الذرات مسحت بخفه على الجدار( يالله بهالسرعه راح بيدي الغبار اخاف اني مثل هالغبار بمسحه أطير من حياتك ياحبيب).....دخلت للصالة المنزل بتوتر شديد تنظر من خلف كتف حبيب تحاول أن تستوضح الجالسين وقعت عينها على عينان يقبع بهما الشرلا أراديا مسكت بيد حبيب وضغطت عليها بقوه..
ام حبيب: اهلا ً وسهلا ً.. أنا أشوف طالع من المغرب اثري عندك خطط..جاي وجايبلي العقيمه معاك..لا هلا ولا مرحبا

أطرقت ريم برأسها..ونظرات أم حبيب تكاد تنهش منه...تتبعها نظرات عبير المستهزئه وتستفزها...
مها: يما الله يهديج اذكري ربج..ريم حياج الله نورتي بيتج..تفضلي..
عبير: والله البيت منور بهله..
حبيب: عبير (بصراخ) انتي سدي حلقج ولا كلمه..
عبير: أي ابوي ما يقدر ألا على امي..
ريم: عن اذنكم ..حبيب انا بطلع فوق تبي شي..
ام حبيب: (بهمس مرتفع متعمده تجريح ريم) دفعت مردي..عقيم ونفسيه بعد..
حبيب: اصعدي لاحقج..
ريم:..(تشهق) انا صاعده

تصعد ريم تتبعها مها..
حبيب ) :بلوم شديد لأمه) زين جذي يايما..الله يهديج بس..
ام حبيب: انا ماني عارفه شعاجبك فيها ماني عارفه متى تعقل وعقلك يرجع لراسك ...طول هالفتره قلت يمكن فكر واقتنع ..فكر بأمه وأبوه...فكر بذريه تشيل أسمه بس أنت.. عايش لي بأفلام هنديه..
حبيب: يما هذا أستقبال...هذا كلام تقولينه لريم أول ماتدش بيتج..
عبير: ليش تبينا نفرشلها الأرض ورود جان قايلنا عشان نفرش الأرض سجاده حمره ونسوي استقبال ملكي لحظرة جناب الريم حرمكم المصون..
حبيب: أنتي اسكتي يالسوسه..لاتنطقين اليوم..
أم حبيب: روح ..روح لها تنطرك الحبيبه الغاليه مشتاقه لأحضانك ..
حبيب: (يهز رأسه بأسف) الله يهديج يا يمه..
أم حبيب: ليه مجنونه انا..؟ لالا هذي مسويتلك بلا جايه وجايبه بلاويها..
عبير:روح لاتعصب المدام..
حبيب: انا بعرف انتي بنت عمها ولا عدوتها؟؟؟؟؟
عبير: ياخي ما شتهيها ماأحبها من الله شنو غصب أحبها..
حبيب: انتي قليلة أدب...انتوا الكلام رايح معاكم ولامنه فايده...اسـأذنكم..
أم حبيب: روح لها ...هذي بركاتها أول ماترجع طنشت بأمك وأهلك..
حبيب: الله يسامحج ...(يبتسم) ادري انج مو بوعيج..بس عشانج معصبه ومتنرفزه..
أم حبيب: أنا بروح أنام كافي مفاجآت اليوم..
(يقبل حبيب رأسها)
حبيب: لا تنامين وانتي زعلانه علي..
(تبعد حبيب عنها بقسوه)
ام حبيب: لا عادي مو زعلانه بس بروح غرفتي بنام..
حبيب: ياعله نوم العافيه..
عبير: وانا بعد بروح شيقعدني ألا وين مهاوي؟؟
ام حبيب: ما شفتيها الحقت العقربه..
حبيب: (ماكو فايده مو حاسبيلي حساب مثل اللوح) يالله تصبحون على خير...

***************************************

الجزء التاسع




مها: ريم يا قلبي لا تبجين ...تكفين بس قطعتي قلبي...
ريم:......
مها: يعني أنتي ما تعرفين أمي وعبير...
ريم: أنا متحمله وساكته وما تكلمت بس هالدموع تخفف عني شي كثير ما صبرني على بعد حبيب غير هالدموع يامها..مها أنا تعبت..أمج وعبير ليش يكرهوني ليش لأني عقيم ..هذا حكم ربي أنا شذنبي ولا عشاني أخذت حبيب...مستكثرينه علي..(تشهق بالبجي) ياليتني ما جيت وطعته..
مها: صدقيني يا ريم ..صج أنهم أختي وأمي بس أنا أقول كلمة الحق وأوقف مع الحق...مها اصبري عشانه حبيب يحبج حبيب مو بس يحبج ..حبيب ما يعيش من غيرج ..
تنظر إليها من بين دموعها وجروحها ..
ريم( تبتسم بوهن) : هو بس اللي ما يعيش من دوني..توقعين إني كنت مرتاحه بهالشهرين يامها..مها أبي حبيب كل شي فيني يبيه بس خايفه..
مها(تلمها لصدرها حيل) : ما حد قالج اني مشتاقتلج ومن دشيت وأنا اهدي فيج وما سلمتج عليج..
ريم: (تضحك بين دموعها) وأنا مشتاقه لج حيل مهاوي..أنتي أختي الكبيره..وأنتي اللي تحنين علي منهم..
مها: تدرين انج سخيفه بجيتيني معاج..ههههه
ريم: ههههه ...
مها(بنظره جديه) : أنتي لازم تعلنين الحرب مو تتمسكنين وتبجين..لازم تدافعين عن أملاكج..وحبيب اضن من أول أملاكج..(تمسك ريم من كتوفها) خليج قويه هذي الحياه البقاء للأقوى والضعيف ماله مكان...سامعه ماله مكان ..لازم تكونين قويه دافعي عن حقج..قوي شخصيتج..سامعه..
ريم: الله لا يحرمني منج لولاج ضليت متضايقه ومحد درى عني..
مها (تغمز بعينها) : شدعوه محد يدري عنج..هاااااه يابكاشه..
ريم: ههههه مهاوي بسج عاد توني راجعه استلمتيني...
مها: ههههههههه الله يحظ اخوي فيج...صايره حلوه..بس لولا مسحت هالحزن اللي بعيونج...
ريم: (تنهدت) أنا والحزن ربع ورفاقها أن تركته هو يتمسك فيني وما يرضى يفكني..
مها(بنظره مواسيه) : الله يعينج ويصبرج..

لم تكمل كلماتها المواسيه ..تقطعها طرقات على الباب انتشلت ريم من دوامة أفكارها..يطل بعينيه التي لطالما احبتهما ...بابتسامه عذبه..
حبيب: يابعد عيوني هالعيون اللي تناظرني...تصدقين اشتقت لج..
ريم :....
مها: ههههههههههههههههههههههههه حبيب انطر زين لما أطلع وتغزل بكيفك شفيك اليوم فاصخ الحيا..
حبيب: (يتصنع المفاجأه) : هه أنتي هنيه...تصدقين ما شفتج...
مها: هههههه لا والله ...أي يبا وين تشوفني..(تناظرريم بجنبها) والحبايب هنيه..راحت علينا والله طول الشهرين تهذر على راسي...بالله تدري أحسن فكه من وجهك...
حبيب: ههههههههههه لا والله افا اثريني غاثج وأنا مادري وأنا اقول أختي الكبيره وتسمعلي ومطوله بالها معي أثريج ماله مني...شفتي يالريم تشحططت بعدج..
ريم: هههههه
مها: يما منك يالعيار أنا ملانه ...أخ بس من يقضبني أياك..
حبيب: خلاص يبا ريميه جت يالله أقلبي وجهج..ههههههههههههههههههههههههه
مها: والله انك تقهر...تلتفت على ريم ...زوجج يقهررررررر
ريم: ههههههههههه..فديته..
حبيب: سمعتي؟؟.........فديته...والله أنا اللي فديتج وفديت ضحتج العسل...
مها: يااااهييييييه عربن شفيك انت أستح على وجهك ...أحرجت البنت من اليوم وجهها احمر أصفر برتقالي بنفسجي....
هههههههههه عاد بنفسجي.. بنفسجي بهالسمار...ريم..شنو كنتي تحدقين الفتره اللي طافت..ههههههههههه
حبيب: أقول انتي يأم كشه مو على ريم لا أمعط بشوشتج اللحين أيه..
ريم:هههههههههه..الله يقطع بليسكم والله طلعتوني من جوي..
مها:هههههههه
حبيب: (توه ينتبه) جوج ليش شلون كان جوج..
ريم: جوي عسل دامك جنبي..
مها: اوووووه البنت تمردت خربتها ياحبيب..اقول أنا شمقعدني شكلي غلط عندكم...ههههههه يالله تصبحون على خير...
حبيب وريم: ههههههههههه وانتي من اهله...


يلتفت حبيب على ريم..
ريم: أشفيك أطالعني جذي...


ريم ذات ملامح جذابه سمراء ...بملامح طفوليه .. عينان واسعه برمش طويل أكحل.. فم صغير..ممتلئ..يميزها شعرها الطويل بطول قامتها..أسود فاحم..
حبيب: ........
ريم: (بخجل واضح على خدودها وتحاول تهرب بنظراتها لأي شي غيره..) يوووووووه حبيب تدري ما أحبك تخزني جذي...
حبيب(يبتسم) :وليش ما تبيني أطالعج حرام؟؟..
ريم: (تبتسم)... لأ مو حرام..بس مو جذي.
حبيب: زين والمشتاق شلون يروي شوقه إلا لي شاف حبيبه ..

مشتاق لك ما تدري شكثر مشتاق ***مشتاق لك أكثر من الشوق فيني

كثر المحبه والغلا كثر الأشـواق *** كثر الغرام اللي فضحني بعينـي


أدري مقدّر أننا نصيـر عشّـاق *** وأدري كثر ما أبيك قلبك يبينـي

مثل الحبر ما هو مقدّر لـلأوراق *** ما تشوفني سلّمت لك كل سنيني

وأدري عيونك تنتظر لحظة عناق *** مع عيوني بالوصل لـو تجينـي

يا رب لا تكتب على عاشق فراق *** يا رب وأنت اللي تحس بحنينـي


تجمعت الدموع بمحجريها...أغمضتها لتنسدل دمعه ليست كدموع الأيام الماضيه..لا تصاحبها..آهه ..دمعه.... لم يصحبها ألم..دمعه تذوقتها..ليست بمرارته دموعها السابقه..نكهه تختلف..

تنظر إليه بحب:صح لسانك ياروحي..
حبيب: ليه الدموع..(يمسح دموعها)..مابي هالعيون تخترب...عيونج الحلوه مابيها تغير من كثر البجي..
ريم: (تمسك يده) تدري حبيب..
حبيب: عيونه وقلبه وكيانه أنتي..
ريم (تبتسم) : هذي ألذ دموع ..أني أبجي وأنا أشوف شوقك لي ..وأحس بحبك..أني أبجي...أشوف يد تمسح دموعي..,مو أي يد ..يد ياما اشتقت أنها تلمسني يا ما اشتقت لصاحبها..حبيبي..مشتاقه لك موت..
حبيب : (يحضنها..بشغف بشوق يبجي بحضنها بوده أن يستمرهالحظن.. لساعات) الله يخليج لي ويخليني لج..
يمسح دموعه ويضحك:هههه حسبي الله على بليسج..بحياتي ما بجيت بس عندج أنتي أخق مره وحد..
ريم: فديت دموعك أنا لا تبجي يا روحي..ما أبي أشوف فيك ضعف أنت قوتي... مصدر القوه أنت سندي بهالدنيا ..
حبيب: الله يا ما تخيلت هالحظه يا ما جهزت كلام كثير أقوله لج..كنت واثق أنه بنرجع حق بعض..
ريم: حبيب أنا خايفه..
يقرب منها ويحضنها...: من شنو خايفه؟؟
ريم: مداري بس أحس بخوف..دايم لمل كنا نفرح ..يجي شي وراه..يعكر علينا ويغير جونا..
حبيب (بحنان): لا تخافين..أنا ماراح اسكت لأحد وماراح أسمع لأحد...ما بخلي أحد يتدخل بحياتي خلاص هذي حياتي وأنا اللي أتصرف..
ريم: حبيب خلني بحضنك ودي تحضني سنه..ودي دش داخل صدرك..ودي أكون بصدرك وما يأذيني شي وأحس بالآمان..
حبيب: وأنا ولهان على حضنج أكثر..
يقطع حديثهم صوت الموبايل...
ريم: يوووووه هذي ناهد ههههههههه طلعت بدون لأقولها شيفكني منها اللحين...
حبيب: نااهد ليلحينها شيطانه ههههه...ردي عليها
ريم: الو...
ناهد: ياللي ما تستحين على وجهج أن مسكتج بمعط بشوشتج يا صخله..
ريم:ههههههههه لحظه خل نتفاهم..
ناهد: نتفاهم هاه وتضحكين بعد عابت هالوجه..أنا اوريج يالحراميه بتنطقييييييييييييييييييين بتنطقين..
ريم: ههههههههه ياربي..
ناهد: زين ياصخله حتى أمي ما قلتيلها...ههههههه والله طلعتي خيخه ..
ريم: شسوي(تناظر لحبيب) هو خطفني..
حبيب يبتسم ابتسامه سحرت ريم..
ناهد: خطفج..الله أنتي منى هوينه يا بنت ..انا زاتي ماني مصدقه..
ريم: ههههههه قلبتي سودانيه لايق عليج..
ناهد: والله حماره..انتي هيه صج عاد شلون طلعتي؟؟ هاه زين ترى على فكره ما خذتي ملابس ناويه ترجعين...ههه...من الاستعجال نسيتي الملابس..
ريم تبتسم: (ناهد ياصخله مو وقتج)..
ناهد: ادري ودج تطقني..ياحرام اقول ريما وجهج احمر صح؟؟
ريم: نهود وبعدين..
ناهد: لا صج صج ليش ما قلتيلي ..ما توقعت انج رجعتي..بس من قالي أبوي اتصلت عليج على طول..
ريم:نونو...حبيبتي بعدين أكلمج..قرقتي راسي..
ناهد: امششششش يالتصريفه...
ريم: هههههه بعرف متى تعقلين..يالعربجيه..
ناهد: أقول بانسحب بكرامتى من اليوم اجعمين فيني.. إهىء إهىء..
ريم: والله رقله يالله باي..
ناهد: بايات يالسخيفه راح أوله عليج..لا تقطعين..
ريم: هو أنا استغنى..
ناهد: أي...أي .. كلكي علينا يالكلكجيه..
ريم: نااااهد انتي ما بخلص منج إلا لي سديته بوجهج..
ناهد: ههههههههه أسده بكرامتى..يالله باي باجر بدقلج زين قولي الأخبار ادري ما راح تقدرين تحجين حبيب القلب هيمان ويناظر..
ريم: ههههه وجع زين يوجع العدو يالله باي..
ريم: (ليما اللحين تضحك على هبال ناهد)حبيب ناهد الهبله تدورني ما صدقت إني عندك...
ضلت تسولف مثل الجاهل اللي يسولف لأمه وحبيب يطالعها بحب..
ريم: حبيب شفيك ساكت..هههه
حبيب: كملي لا تسكتين..مرتاح حيل وأنا أشوف كل ملمح من ملامحج يضحك لي ويبتسم ...
ريم: حبيب ترى والله لبجي من الإحراج..
حبيب: هههه ياربي بس شهرين حسيتيني غريب وتستحين مني وتكشين..
ريم: (بحركه متهوره تمسك ايده) عمرك ما كنت غريب أنت هنيه...تأشر على قلبها ..هنيه ..شلون اللي بيكون بهالمكان بيكون غريب..
اقترب حبيب منها..تجفل ريم من قربه واقتراب أنفاسه أكثر وأكثر منه...
ريم: لحظه خل نتفاهم شفيك ههههههه..
حبيب ) :بنظره خبيثه) مافي تفاهم تعالي..
ريم: ههههه ..
ريم: حبيبي..أبي وسادتي..
حبيب: تعالي وحطي راسج عند هالعظله المسكينه..
ريم: امممم مسكينه ياحرام شفيها..عياره هالعظله وذابحتني بعيارتها...
حبيب: ههههههه الله يقطع بليسج دشيتي عرض..
ريم: مشتاقه لوسادتي..ما تخيل شكثر اشتقت لها..
حبيب: (يحظنها..ويمسح على شعرها بحنان) تعالي..
طابت ليلتك نامي...سهرتك معي ليله... أنتي غمضي عيونك... وأنا أحكي لك حكايه..قرب فجرنا يطلع... ونجوم الليل تتركنا.. خلي (وسادتك قلبي)..نامي وبكره موعدنا...صحي الشمس بصوتك...
وبكره بهمس صحيني ...أبي اسمع صباح الحب ...من صوتك يناديني... قرب فجرنا يطلع ونجوم الليل تتركنا.. خلي وسادتك قلبي..نامي وبكره موعدنا...

حبيب: (يحط أصابعه على عيون ريم..تبلل الدموع أصابعه كان متوقع هالدموع باس عيونها وحظن راسها)..مابي دموع مو بس أنتي اللي عانيتي حتى أنا... تدرين ما ضل شي يواسيني منج بس مخدتج اللي فيها ريحتج كنت أحطها على خشمي عشان أعرف أنام ...عاد يالظالمه(يلف وجهها له ويبتسم).. ما خليتي شي من ريحتج يالبخيله..بس هالمخده اللي اشمشمها جني نقط نقط نقط...ههه

ريم: هههههههه حسبي الله على بليسك اليوم تضحكني وتبجيني أحس نفسي مو صاحيه...
حبيب:ريميه تذكرين هالأغنيه..
ريم: اذكرها يابعد هالدنيا باللي فيها..
حبيب:اشششششششش يالمزعجه (يرقص بحواجبه) خلينا أنام..




تبي،،القلب،،
لك وحدك؟!..

‏
تعال واملكه الحين...
تعال مابقى عرق بقلبي مايناديك...
تبي من القصيد أبيات؟!
تبي من الجروح آهات؟!
تبي من الغلا حب يزيد بدقة الساعات؟!
تعال واكتب اسمك على صدري...
تعال مابقى فيني مكان ماكتبتك فيه...
سجنتني مثل طير تعود بالفضا يصطاد...
وجيتني على غفله وربطت قلبي بالاصفاد...
ملكتني وانا الحر الطليق بعالم الاحلام...
قدرت تملك قلب قسى من قسوة الايام...
تعال وارمي همومك...
تعال واسكن ضلوعي العامره بك وامسح العبرات...
تعال وبدد وحشة خفوق مابقى به (مات)...
تعال ابسمع اسمي من شفاتك واسمع الهمسات...
تعال واحرق وجهي بلهيب انفاسك العطرات...
تعال باحبك حب جديد واشربك واضماك...
ابي حبك يزلزلني..!
ابي حبك يحطمني.!!
ابي حب اذا غبت يجيني بطيفك والقاك...
تعال نكتب حروف الحب والقلم يمناك...
تعال ابزرع ورود المحبه كلها لرضاك...
تعال ابترك العالم وبسافر في بحر لقياك...
تعال بنسج من خيوط الشمس وبكسر النظرات...
........تعال وان نزل دمعك مسحته يوم القاك
تعال واحضن شخص(ن)
بكى مايبي فرقاك....
**************************************************